NÚMEROS 28:19 - Dios Rimashcata Quillcashcami

¹⁹ Mandac Dios ñucaman ishcai becita, shuc cari ovejata shinallatac shuc huatayuc ima mana tucushca canchis cari ovejata cunguichic.

NÚMEROS 28:19 Referans Kwoze

DEUTERONOMIO 15:21

Shina cashpapish maijan animal mana alli cacpi, suchu, ñahui mana ricuc, imapish tucushca cacpica, ama Mandac Diosman cunguichicchu.

NÚMEROS 29:8

Mandac Dios ñucaman mishquilla ashnachunca ima mana tucushca shuc becita, shuc cari ovejata, shuc huatayuc canchis ovejata tucui rupachinguichic.

NÚMEROS 28:31

Caicunataca punzhanta ñucaman cushpa, tucui rupachishca jahua, harinahuan aceitehuan chapushpa cushca jahua, tallina vinota cushca jahuami cuna canguichic. Tucui chaicunaca ima mana tucushcami cuna canguichic.

LEVÍTICO 22:20

Mana alli animaltaca ama cunguichicchu. Chaitaca mana chasquishachu.

1 PEDRO 1:19

ashtahuanpish Jesucristopac sumaimana valic yahuarhuanmi quishpichishca canguichic. Paica imapish mapa illac, sumaimana pactalla ovejata Diosman cushpa, rupachishca shinami carca.

NÚMEROS 28:20

Shinallatac cada becihuan sucta kilo alli harinata aceitehuan chapushpa cunguichic. Cada cari ovejahuan chuscu kilo yalli alli harinata aceitehuan chapushpa cunguichic.

LEVÍTICO 1:3

Tucui rupachina beci cacpica, imapish mana tucushca cari becitami Mandac Dios-huan tupana huasi yaicunapi rupachina can. Chaipimi Mandac Diosca chashquinga.

DEUTERONOMIO 16:2

Chai punzhapica Mandac Dios paipac shuti causachun acllashca pushtupimi ovejata, mana cashpaca vacata paiman cushpa huañuchinguichic.

2 CRÓNICAS 35:12

Chai quipaca Moisés quillcashcapi nicushca shinallatacmi israelcunapac cada familiaman rupachina animalcunamanta aichata japishpa, asha ashata cararcacuna. Huagracunata huañuchishpapish chashnallatacmi ruhuarcacuna.