NÚMEROS 28:15 - Dios Rimashcata Quillcashcami

¹⁵ Shinallatac juchata pichachun Mandac Dios ñucaman shuc cari chivota cunguichic. Caitaca punzhanta ñucaman cushpa tucuita rupachishca jahua, tallina vinota cushca jahuami cuna canguichic.

NÚMEROS 28:15 Referans Kwoze

NÚMEROS 28:3

Shinallatac: “Ñucaman cushpa punzhanta tucui rupachingapacca shuc huatayuc ima mana tucushca ishcai cari ovejata cunguichic.

NÚMEROS 28:22

Shinallatac cancunapac juchata pichachun shuc cari chivota ñucaman cunguichic.

NÚMEROS 15:24

juchallishcata tandanacushca israelcunapish mana yachacpica, tucui israelcunami ñucaman mishquilla ashnachun shuc becita tucui rupachina can. Mandashca shinallatacmi alli harinatapish, tallina vinotapish cuna can. Cutin juchata pichachunca shuc cari chivotami cuna can.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

ROMANOS 8:3

Runaca aichayuc cashcamantami Moisés mandashcacunataca maita mana pactachi pudirca. Chaimantami Diosca paipac shuclla Churita, runa shina aichayuc tucushpa, runacunapac juchacunamanta llaquita huañuchun cacharca. Chai shina ruhuashpami, gentecunapi tiyac juchataca tucui chingachirca.

LEVÍTICO 16:15

Chai quipaca israelcuna juchata pichachun cushca ovejata huañuchishca yahuartaca cari becipac yahuarhuan ruhuashca shinallatacmi pañohuan jarcachishca ñucapaclla chicanyachishca ucuman apamushpa, tapa jahuapipish, ñaupa ladopipish chirapanga.

LEVÍTICO 4:23

Chashna juchallishcata yachac chayashpaca, ima mana tucushca chivotami cuna can.

GÉNESIS 37:31

Chaimantami paicunaca shuc uchilla huahua chivota huañuchishpa, chai yahuarhuan Josepac jahualla churanata cahuirca.

NÚMEROS 28:14

Cada becihuan ishcai litro vinota cunguichic. Shuc huatayuc cada ovejahuan shuc litro vinota cunguichic. Caicunami cada quillapi huatanta ñucaman cushpa, tucui rupachinaca.

LEVÍTICO 16:16

Chashnami ñucapaclla chicanyachishca ucuta israelcuna ñucata mana cazushpa, juchallishpa mapayachishcata pichanga. Chashnallatacmi Aaronca paicunapac chaupipi cac carpa huasitapish israelcuna juchallishpa mapayachishcata pichanga.

NÚMEROS 28:30

Cancunapac juchata pichachunca shuc cari chivota cunguichic.

NÚMEROS 29:5

Juchata pichachunca shuc cari chivota cunguichic.

NÚMEROS 29:16

Juchata pichachunca shuc cari chivota cunguichic. Chashnami punzhanta animalcunahuan harinahuan tucuita rupachishca jahuapish, tallina vinota cushca jahuapish cuna canguichic.