NÚMEROS 27:21 - Dios Rimashcata Quillcashcami

²¹ Josué imata ruhuangapacca Eleazar curapacmanmi ringa. Paimi Urim nishcahuan suerteta ruhuashpa, ñucaman tapunga. Josué israelcunata macanacungapac llucshichun nicpica llucshingacunami. Shinallatac cutichun nicpica, cutingacunami— nirca.

NÚMEROS 27:21 Referans Kwoze

1 SAMUEL 28:6

Chaimantami Saulca Mandac Diosta tapurca. Shina tapucpipish, Mandac Diosca muscuipipish, Urim nishcapi suerteta ruhuacpipish, Dios ima nishcata huillaccunamanpish, imata mana nircachu.

JOSUÉ 9:14

Israelcunaca chai runacuna apamushca micunata chasquircami. Ashtahuanpish Mandac Diosmanca mana tapurcachu.

ÉXODO 28:30

Allita ricushpa, mandacucta ricuchic pectoralpica Urimta, Tumimta churangui. Chashnami ñucapac ñaupaman Aarón yaicushpaca, paipac pechopi charinga. Chashnami Aaronca pechopi israelcunapac shuticunata apashpa, ñucapac ñaupapi punzhanta canga.

NEHEMÍAS 7:65

Chaimantami Judá llactata mandacca Urimhuan, Tumimhuan shuc cura Diosman tapushpa, yachangacaman Diosman cushca micunacunataca ama micuchun nishpa mandarca.

ESDRAS 2:63

Chaimantami Judá llactata mandacca Urimhuan, Tumimhuan shuc cura Diosman tapushpa, imata huillangacaman Diosman cushca micunata ama micuchun mandarca.

1 SAMUEL 30:7

Chaipimi Davidca Ahimelecpac churi Abiatar curataca: —Efodta ñucaman apamushpa cui— nirca. Shina nicpimi, Abiatarca Davidman efodta apamurca.

1 SAMUEL 23:9

Ashtahuanpish Davidca Saúl ima shina huañuchinata yuyaricushcata yachashpami Abiatar curataca: —Efodta apamui— nirca.

JUECES 20:23

Israelcunaca huichai rishpami Mandac Diospac ñaupapi tutayangacaman huacashpa Mandac Diostaca: —¿Ñucanchic huauqui Benjamín aillucunahuanca Cutinllatac macanacugrishunchu?— nishpa tapurca. Shina nicpimi, Mandac Diosca: —Cutinllatac macanacugrichiclla— nirca.

JUECES 20:18

Chai quipaca, israelcuna jatarishpa, huichai rishpami Mandac Diostaca: —¿Ñucanchicpuramantaca maijan aillutac Benjamín aillucunahuan macanacungapac punta rigrin?— nishpa tapurca. Shina tapucpi Mandac Diosca: —Judá ailluracmi ringa— nirca.

JUECES 1:1

Josué huañushca quipami, israelcunaca Mandac Diostaca: —¿Ñucanchicpuramanta cananeocunahuan macanacungapacca maijanta puntaca rina canchic?— nishpa tapurcacuna.

DEUTERONOMIO 33:8

Levimanta nishpaca: «Mandac Dioslla, Tumimtapish, Urimtapish canta alli cazuc Leviman cuiyari. Pai ima shina cactaca Masá nishca Meriba yacupimi ricurcangui.

NÚMEROS 27:17

Chai runami israelcunapac ñaupata yaicuna cacpica pushashpa yaicunga. Cutin llucshina cacpica pushashpa llucshinga. Chashna cacpimi, cambac acllashcacunaca michic illac oveja shina mana canga— nirca.

LEVÍTICO 8:8

Chai quipaca pectoralta churachishpami, jahuapica Urimta, Tumimta churachirca.

NÚMEROS 27:5

Chashna mañacpimi, Moisesca Mandac Diosta huillarca.

NÚMEROS 27:20

Shinallatac tucui israelcuna paita cazuchunca cambac mandana asha yuyaita paiman cui.

NÚMEROS 27:22

Moisesca Mandac Dios nishca shinallatacmi Josuetaca Eleazar curapac, israelcunapac ñaupaman pushamurca.

1 SAMUEL 14:19

Saúl Ahías curahuan parlacucllapitacmi filisteocunapac carpa huasicunapica ashtahuan caparinacui uyarirca. Chaimantami Saulca chai curataca: —¡Ña ama apamuichu!— nirca.

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

NÚMEROS 27:2

Chai pichca ñañandimi Mandac Dios-huan tupana huasi yaicunaman shamushpa Moisestapish, Eleazar curatapish, israelcunatapish rimashpaca:

DEUTERONOMIO 31:3

Ashtahuanpish Mandac Diosmi cancunapac ñaupata rishpa, chai llactapi causaccunata cancunapac ñaupapi tucuchinga. Chashna ruhuacpimi, llucchishpa cachanguichic. Mandac Dios nishca shinami Josueca cancunapac ñaupata pasanga.