NÚMEROS 27:18 - Dios Rimashcata Quillcashcami

¹⁸ Shina nicpimi, Mandac Diosca Moisestaca: —Nunpac churi Josuemi chaicunata ruhuangapac alli, paita acllashpa, uma jahuapi maquita churai.

NÚMEROS 27:18 Referans Kwoze

DEUTERONOMIO 34:9

Nunpac churi Josueca Moisés maquita uma jahuapi churashcamantami alli yachac carca. Chaimantami israelcunaca Mandac Dios Moisesta mandashca shina Josué tucui nishcata cazurca.

NÚMEROS 27:23

Chaiman pushamushpaca Mandac Dios mandashca shinallatacmi Moisesca Josuepac uma jahuapi maquita churashpa, paipac randi tucui israelcunata mandachun churarca.

GÉNESIS 41:38

Chaimantami Faraonca paita serviccunataca: —¿Diospac Espirituhuan cac cai shina runataca maipi tarishunchu?— nirca.

DEUTERONOMIO 31:23

Mandac Dios Nunpac churi Josueta cachacushpaca: «¡Sinchicui, ama manchaichu! Canmi israelcunata ñaupashpa ñuca paicunaman cungapac ari nishca llactaman yaicungui. Ñucami canhuan casha» nirca.

HECHOS 19:6

Pablo paicunapac uma jahuapi maquita churacpica, Diospac Espirituta chasquishpami, shuctac rimaicunata rimashpa, Dios yuyaita cushcata huillarcacuna.

JUECES 3:10

Otonielca Mandac Diospac Espíritu japicpimi, israelcunapac juez tucushpa macanacungapac llucshirca. Mandac Diosca Siria llactata jatun mandac Cusan-risataimta paipac maquipi churacpimi, Cusan-risataimtaca atirca.

DEUTERONOMIO 3:28

Ashtahuanpish Josueta cushichishpa sinchiyachishpa cachai. Paimi israelcunapac ñaupata rishpa, can ricugricuc llactata cunga” nirca.

SAN JUAN 3:34

Dios cachashcami, Dios rimashcata riman. Diosca yallitami paipac Espirituta cushca.

DANIEL 5:14

Cantaca jucha illac diospac espirituyuc cashcatami uyani. Shinallatac cantaca luz achicyachic shina allita yachac, allita entendic cashcatami uyani.

JUECES 11:29

Mandac Diospac Espíritu japicpimi, Jefteca Galaad llactata, Manasés llactata rishpa, Galaad llactapi cac Mizpa pueblopi chayashpa, chaimantaca amonitacunahuan macanacugrirca.

HEBREOS 6:2

bautizarinamanta, criccunapac uma jahuapi maquita churanamanta, huañushcacuna causarinamanta, huiñaita jatun llaquiman cachanamanta ama cutinllatac cutinllatac yachacushunchic.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.

1 TIMOTEO 4:14

Criccunata pushaccuna Dios yuyaita cucpi cambac uma jahuapi maquita churashpa mañacpi, Dios imata ruhuachun cushcata pacta cungaringuiman.

HECHOS 13:3

Ayunashpa mañashca quipaca, Bernabepac, Saulopac uma jahuapimi maquita churashpami cacharca.

HECHOS 6:6

Chashna acllashpami apostolcunapacman pushamurca. Paicunaca chai runacunapac uma jahuapi maquita churashpami, Diosta mañarcacuna.

HECHOS 6:3

Chaimanta, micunata tucuiman raquichunca cancunapuramanta alli yachac, alli causac, Diospac Espíritu junda, canchis runacunata acllaichic.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

NÚMEROS 13:16

Chaicunami Moisés llactata ricuchun cachashca runacunapac shuticunaca carca. Moisesca Nunpac churi Oseastaca Josuetami shutichirca.

NÚMEROS 13:8

Efrainpac aillumantaca Nunpac churi Oseasmi rirca.

NÚMEROS 11:17

Chaipimi ñuca jahuamanta shamushpa, canhuan parlasha. Canpi tiyac Espiritutami paicunaman cusha. Chashna ruhuacpimi, paicunapish canta ayudashpa, cai israelcunataca pushanga. Chaipica ña mana canllachu pushac cangui.

ÉXODO 17:9

Chaimantami Moisesca Josuetaca: —Israelcunamanta maijancunata acllashpa amalecitacunahuan macanacungapac llucshi. Ñucaca Mandac Diospac varahuanmi caya tutamanta urcu jahuapi shuyacusha— nirca.

DEUTERONOMIO 1:37

Cancunamanta Mandac Diosca ñucahuan piñarishpaca: “Canpish chai llactamanca mana yaicunguichu.

DEUTERONOMIO 31:3

Ashtahuanpish Mandac Diosmi cancunapac ñaupata rishpa, chai llactapi causaccunata cancunapac ñaupapi tucuchinga. Chashna ruhuacpimi, llucchishpa cachanguichic. Mandac Dios nishca shinami Josueca cancunapac ñaupata pasanga.

DEUTERONOMIO 3:21

Chai huatallatacmi Josuetaca: “Canta Mandac Dios chai ishcai jatun mandaccunata imata ruhuashcataca quiquin ñahuihuanmi ricurcangui. Chashnallatacmi Mandac Diosca can maita pasana jatun mandaccunatapish ruhuanga.

DEUTERONOMIO 31:14

Mandac Diosca Moisestaca: «Riqui, ñami cambac huañuna punzhaca chayamushca, Josueta ñucahuan tupana huasiman pushai. Chaipimi pai imata ruhuanata mandasha» nirca. Shina nicpimi, Moisesca Josuehuan Dios-huan tupana huasipi shuyarca.

JOSUÉ 1:17

Moisés mandashcata ima shinami cazurcanchic, shinallatacmi cantapish cazushun. Mandac Dios ima shinami Moises-huan carca, chashnallatacmi canhuanpish cachun munanchic.

1 CRÓNICAS 7:27

Nun, shinallatac Josuemi carca.