NÚMEROS 27:17 - Dios Rimashcata Quillcashcami

¹⁷ Chai runami israelcunapac ñaupata yaicuna cacpica pushashpa yaicunga. Cutin llucshina cacpica pushashpa llucshinga. Chashna cacpimi, cambac acllashcacunaca michic illac oveja shina mana canga— nirca.

NÚMEROS 27:17 Referans Kwoze

EZEQUIEL 34:5

Michicta mana charishcamantami pandarishpa, sacha animalcuna japishpa micunallami caita chaita purirca.

MARCOS 6:34

Canoamanta Jesús llucshishpaca, achca gentecunatami ricurca. Paicuna michic illac ovejacuna shina cashcamantami Jesusca llaquirishpa, paicunaman tucuita yachachi callarirca.

1 REYES 22:17

Shina nicpimi paica: —Tucui israelcunatami michicta mana charic ovejacuna shina, tucui urcucunata shic-huarishpa rishcata ricurcani. Shina cacpimi, Mandac Diosca: “Paicunaca mana mandacta charinchu. Chaimanta mana manchashpa, huasicunaman cutichiclla” ninmi— nirca.

SAN MATEO 9:36

Jesusca tauca gentecuna shitashca, michic illaclla ovejacuna shina, caita chaita puricucta ricushpami, yalli llaquirirca.

ZACARÍAS 10:2

Yanga dioscunaca llullaccunami. Adivinocunaca llullallatami muscun. Muscushcata huillashpapish, yangallami cushichin. Chaimantami gentecunaca ovejacuna shina, purin. Paicunaca michic illac cashpami, llaquilla causan.

2 CRÓNICAS 1:10

Cunanca, cai tucui gentecunata mandai callaringapacca, alli yuyaitapish, yachaitapish cuiyari. Cambac cai tucui achca gentecunataca, ¿pitac mandangayari?— nirca.

DEUTERONOMIO 31:2

«Ñucaca patsac ishcai chunga huatayucmi cani. Chaimanta maiman yaicunatapish, llucshinatapish mana pudinichu. Chaipac jahuapica Mandac Diosllatacmi: “Canca mana Jordán yacutaca pasanguichu” nirca.

1 REYES 3:7

Cunanca, ñucata Mandac taita Dioslla, canmari canta servic ñucataca cunan huiñai huambra imata mana yachacpipish, ñuca taita Davidpac randi jatun mandac cachun churashcangui.

1 SAMUEL 18:13

Chaimantami Saulca paimanta anchurichun Davidtaca huaranga soldadocunata mandachun churarca. Shina churacpimi, Davidca soldadocunata pushashpa puric carca.

1 SAMUEL 8:20

Chashna cacpica, ñucanchicpish shuctac llactacuna shinami cashun. Ñucanchictaca jatun mandacmi mandanga. Paimi ñucanchic ñaupata rishpa, ñucanchicpac jatun macanacuitapish ruhuanga— nirca.

1 PEDRO 2:25

Cancunaca chingarishca ovejacuna shinami ñaupaca puricurcanguichic. Shina cashpapish cunanca cancunata cuidashpa Michic Cristopacmanmi tigrarishcanguichic.

SAN JUAN 10:9

Ñucami punguca cani. Maijanpish ñucamanta yaicucca quishpiringami. Paica llucshic, yaicucmi puricunga. Micunatapish taringami.

SAN MATEO 15:24

Chashna nicpimi Jesusca: —Diosca ñucataca, oveja chingarishca shina, israelcunapacmanllami cacharca— nirca.

SAN MATEO 10:6

Ashtahuanpish chingarishca ovejacuna shina cac, israelcunapacman ringuichic.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

2 CRÓNICAS 18:16

Shina nicpimi Micaiasca: —Tucui israelcunatami michicta mana charic ovejacuna shina, urcucunata caita chaita rishcata ricurcani. Shina cacpimi, Mandac Diosca: “Paicunaca mandacta mana charinchu. Imatapish mana manchashpa huasiman cutimuchunlla” ninmi— nirca.

2 SAMUEL 5:2

Ñucanchicta Saúl mandacui punzhacunapica canmi israelcunataca macanacuiman pushashpa llucshic carcangui. Shinallatac Mandac Diosca: “Canmi ñuca israelcunataca michingui. Canllatacmi mandangui” nircami» nirca.

2 REYES 11:8

Jatun mandacpac muyundita shayarishpami, macanacunata maquipi apashpa cuidana canguichic. Maijanpish cancunapac chaupiman yaicucpica, huañuchinguichic. Jatun mandac maiman llucshicpipish, cutimucpipish paihuanmi cana canguichic» nishpami mandarca.