NÚMEROS 26:59 - Dios Rimashcata Quillcashcami

⁵⁹ Amrampac huarmica Levipac ushi Jocabedmi carca. Paica Leví Egiptopi cacpimi huacharirca. Amrampac huarmi Jocabedca Aaronta, Moisestami charirca.

NÚMEROS 26:59 Referans Kwoze

ÉXODO 6:20

Amramca paipac tia Jocabedhuanmi cazararca. Chai huarmica Aarón, Moisés huahuacunatami charirca. Amramca patsac quimsa chunga canchis huatatami causarca.

LEVÍTICO 18:12

Ama taitapac panihuan chayaringuichu. Paica taitapac familiami.

ÉXODO 2:4

Cutin chai huahuapac panica carullamantami huahua ima tucucta ricucurca.

ÉXODO 15:20

Chaimantami Aaronpac pani, Dios ima nishcata huillac Mariaca panderota japishpa, huactai callarirca. Shina huactacpica, shuctac huarmicunapish cantashpa, danzashpami catirca.

NÚMEROS 12:1

Moisés Cus llactata huarmihuan cazarashcamantami Mariapish, Aaronpish juchanchishpa rimarirca.

NÚMEROS 20:1

Tandanacushca israelcunaca callari quillapimi Zin shitashca pambaman chayashpa, Cadespi tiyarirca. Moisespac pani Mariaca chaipimi huañurca. Chashna huañucpica, chaillapitacmi enterrarca.