NÚMEROS 26:55 - Dios Rimashcata Quillcashcami

⁵⁵ Chai allpataca suerteta ruhuashpami paicunapac ñaupa taitacunapac shuticuna ima shina cashca shinallatac chaupinacunga.

NÚMEROS 26:55 Referans Kwoze

NÚMEROS 34:13

Moisés israelcunata mandashpaca: «Cai llactatami cancunaca suerteta ruhuashpa japinguichic. Cai llactataca Mandac Diosmi iscun aillucunaman, caishuc chaupi aillumanpish cuchun mandarca.

NÚMEROS 33:54

Allpataca cancunapac aillucuna mashna cashca shinallatac suerteta ruhuashpa chaupinguichic. Achca aillucuna cashpaca, achcata allpata japinguichic. Ashalla cashpaca, ashalla allpata japinguichic. Maipimi paicunaman suerte urman chaipimi japina canguichic.

JOSUÉ 14:2

Chai allpataca Mandac Dios Moisesta mandashca shinallatacmi iscun aillucunamanpish, Manasespac chaupi aillumanpish suerteta ruhuashpa curca.

JOSUÉ 11:23

Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

COLOSENSES 1:12

Diosta pagui nishpa, cushicushpa apanguichiclla. Paimi Diospaclla caccuna japina cashcata cancunapish paipac achiclla mandacucpi japiccuna cachun ruhuarca.

HECHOS 1:26

Chashna mañashpami suerteta ruhuacpica, Matiasman urmarca. Chaimantami Matiasca chunga shuc apostolcunahuan tandanacurca.

PROVERBIOS 18:18

Suerteta ruhuacpimi, piñanacuica tucurin. Shinallatac poderta chariccunapurami imata ruhuanataca yuyarincuna.

PROVERBIOS 16:33

Mizapimi suertetaca ruhuancuna. Shina cacpipish Mandac Diosmi imata ruhuanataca ricuchin.

JOSUÉ 19:40

Allpata cungapac canchisniqui suerteta ruhuacpica, Dan aillumi paicuna mashna cashca shinallatac allpata japirca.

JOSUÉ 19:32

Allpata cungapac suctaniqui suerteta ruhuacpica, Neftalí aillumi paicuna mashna cashca shinallatac allpata japirca.

JOSUÉ 19:24

Allpata cungapac pichcaniqui suerteta ruhuacpica, Aser aillumi paicuna mashna cashca shinallatac allpata japirca.

JOSUÉ 19:17

Allpata cungapac chuscuniqui suerteta ruhuacpica, Isacar, shinallatac paipac churicunami paicuna mashna cashca shinallatac allpata japirca.

JOSUÉ 19:10

Allpata cungapac quimsaniqui suerteta ruhuacpica, Zabulón aillumi japirca. Paicuna mashna cashca shinallatacmi ura ladomanca Sarid pueblocaman japirca.

JOSUÉ 19:1

Allpata cungapac ishcainiqui suerteta ruhuacpica, Simeón aillumi mashna cashca shinallatac Judá aillupac chaupipi japirca.

JOSUÉ 18:6

Cancunaca allpa ima shina cashcata ricushpa, canchis partepi chaupishpa ñucaman huillangapac shamunguichic. Chaitaca ñucanchicta Mandac Diospac ñaupapi suerteta ruhuashpami cancunaman cusha.

JOSUÉ 17:14

Chai quipaca Josepac churicunaca Josuetaca: —Ñucanchicca Dios bendiciacpimi, cunancamanca achca canchic. ¿Chashna cashca jahuachu ñucanchicmanca shuc suertellata ruhuashpa, shuc parte allpallata cungui?— nirca.

NÚMEROS 26:56

Suerteta ruhuashpami achca cashpaca, achcapura, cutin ashalla cashpaca ashapura japingacuna» nirca.

EZEQUIEL 47:22

Cai allpataca cancunamanpish, cancunahuan causac caru llacta gentecunamanpish, cancunapurapi charishca churicunamanpish, israelcunamanpish suerteta ruhuashpa cunguichic. Israel llactapi huacharishca huahuacunataca cancunapura cashca shinata yuyanguichic. Israel aillucunamanpish suerteta ruhuashpa cunguichic.

NÚMEROS 36:2

—Mandac Diosca ñucanchic mandac Moisestami ñucanchic israelcunaman suerteta ruhuashpa, allpata chaupichun mandarca. Ñucanchic aillupuramanta Zelofehadpac allpata paipac ushicunaman cuchun mandarca.