NÚMEROS 25:2 - Dios Rimashcata Quillcashcami

² Chai huarmicunami paicunapac yanga diosman animalcunata cushpa, rupachingapac israelcunata cayac carca. Chaipimi israelcunaca micushpa, yanga dioscunapac ñaupapi cumurirca.

NÚMEROS 25:2 Referans Kwoze

1 CORINTIOS 10:20

Ashtahuanpish ñucaca: “Diosta mana ricsiccunaca diablomanmi animalcunata huañuchishpa cuncuna, mana Diosman cuncunachu. Chaimanta ama diabloman cuccunahuan tandarichun” ninimi.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

OSEAS 9:10

Mandac Diosca: «Israelcunataca shitashca pambapi uvasta taric shinami tarircani. Paicunapac ñaupa taitacunataca punta pucushca higota shinami ricurcani. Ashtahuanpish paicunaca ñucamanta anchurishpami, Baal-peor diosta mañashpa pingai tucurca. Chai diosta catishpami millana tucurca.

SALMOS 106:28

Paicunaca Baal-peor yanga diosta caticcunahuan tandanacushpami, huañushcacunaman rupachishpa cushca animal aichata micurcacuna.

JOSUÉ 22:17

¿Peor shuti diosta mañashpa mana allita ruhuashcaca cancunamanca ashallachu? Chai mana allita ruhuashcamantaca cancunamantami mapayashca canchic. Chaimantami Mandac Diospac tandanacushca israelcunaca yallita llaquita aparcanchic.

APOCALIPSIS 2:14

Shina cacpipish asha mana allicunata ruhuacushcatami cantaca ricuni. Chaipica Balaam yachachishcacunata catishpa mana saquinata munaccunatami charingui. Paimi israelcunataca chai ruhuashcalla dioscunaman cushca micunata micuchunlla, huacllirichunlla nishpa, yachachichun Balactaca yachachishca carca.

1 REYES 19:18

Ñucaca israelcunapurapica Baal diosta mana cunguric, paicunapac shimihuan mana muchaccunataca canchis huaranga runacunatami saquigrini— nirca.

JOSUÉ 23:16

Cancunata Mandac Dios-huan ari nishcacunata mana cazushpa, shuctac ruhuashcalla dioscunata servishpa cumuricpica, Mandac Diosca nina japiric shinami cancunahuanca piñaringa. Chashna piñaricpica, pai cushca sumac allpapica utcami tucui tucuringuichic» nirca.

JOSUÉ 23:7

Chai llactapi saquirishpa, cancunapac chaupipi causaccunahuanca ama tandanacunguichicchu. Paicunapac dioscunapac shutipi ama imatapish ari ninguichicchu. Paicunapac shutitaca ama rimanguichicchu. Chai dioscunata ama servinguichicchu. Ama paicunapac ñaupapi cumuringuichicchu.

DEUTERONOMIO 32:38

¿Maipitac cancuna animalcunata rupachishpa cushca huirata chasquic, cancuna cushca vinota ubiac diosca?” ninga. ¡Chai dioscuna jatarishpa ayudangapac, cancunata misangapac shamuchunyari!

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

ÉXODO 32:6

Cayandi tutamantaca utca jatarishpami, chai beciman animalta cushpa, tucui rupachirca. Shinallatac paihuan alli tucungapacpish ofrendata curcami. Chai quipaca israelcunaca micungapac, ubiangapacmi tiyarirca. Ña micushca quipaca cushicungapacmi jatarirca.

JEREMÍAS 40:11

Judá llactamanta rishpa Moab, Amón, Edom llactacunapi causaccunatapish, tucui caishuc llactapi causaccunatapish Babilonia llactata jatun mandac Judá llactapi maijan saquishcacunata Ahicampac churi, Safanpac nieto Gedaliasta mandachun churashcatami yachac chayarca.

MIQUEAS 6:5

Ñuca acllashcacunalla, cunanca Moab llactata jatun mandac Balac cunashcata yuyarichicyari. Beorpac churi Balaam Sitimmanta Gilgalman chayashpa, imata nishcatapish yuyarichicyari. Chashna yuyarishpami, Mandac Dios ñucaca cashcata ruhuac cashcata yachanguichic» ninmi.