NÚMEROS 21:34 - Dios Rimashcata Quillcashcami

³⁴ Chaipimi Mandac Diosca Moisestaca: «Ama manchaichu. Ñucami chai jatun mandactaca paipac tucui gentecunandi, paipac tucui llactacunandi cambac maquipi churarcani. Canca paicunataca Hesbonpi causac amorreocunata jatun mandac Sehonta ruhuashca shinallatacmi ruhuangui» nirca.

NÚMEROS 21:34 Referans Kwoze

JOSUÉ 8:7

Chashna catishpa caruyacpica, cancunaca pueblo huashamanta cungailla llucshishpa, chai pueblota japinguichic. Chaica Mandac Dios chai pueblotaca ñucanchic maquipimi churashca.

ISAÍAS 41:13

Mandac Dios ñucami, cancunapac alli lado maquimanta pushashpaca: “Ama manchaichicchu, ñucami cancunataca ayudasha” nini.

2 REYES 3:18

Mandac Diosca mana chaillatachu ruhuanga. Ashtahuanpish moabitacunatapish cancunapac maquipimi churanga.

1 REYES 20:28

Chai shina cacpimi, Dios ima nishcata huillac runa Israel llactata jatun mandacpacman shamushpaca: —Mandac Diosca: “Siriocunaca, ñucataca Mandac Diosca urcucunapi causaccunapac Diosmi, pugru pambacunapi causaccunapac Diosca mana canchu nishcacunami. Ñucaca cai tucui gentecunatami, cambac maquipi churagrini. Chashna ruhuacpimi ñucataca Mandac Dios cashcata yachangui” ninmi— nirca.

1 REYES 20:13

Shina cacpimi, Dios ima nishcata huillac shuc runa Israel llactata jatun mandac Acabpacman shamushpaca: —Mandac Diosca: “¡Cai tucui gentecunata ricunguichu! Riqui, ñucataca Mandac Dios cashcata ricsichunmi, cunanca paicunataca cambac maquipi churagrini” ninmi— nirca.

2 SAMUEL 5:19

Chaimantami David Mandac Diosta tapushpaca: —¿Filisteocunahuan macanacungapac huichai rinachu cani? ¿Paicunata ñuca maquipi churanguichu?— nirca. Shina nicpimi Mandac Diosca: —Macanacugrilla, paicunataca cambac maquipimi churasha— nirca.

1 SAMUEL 23:4

Shina nicpi, David Mandac Diosta cutinllatac tapucpimi Mandac Diosca: —Jatarishpa Keila puebloman rilla. Ñucami filisteocunataca cambac maquipi churasha— nirca.

JUECES 11:30

Chaipimi Mandac Diosman cungapac Jefté ari nishpaca: «Can ciertotac cai amonitacunata ñuca maquipi churacpica,

JOSUÉ 10:25

Shina sarucpimi Josueca: «Cancunaca ama manchaichicchu, ama chucchuichicchu. Chashnami Mandac Diosca tucui cancunata piñaccunata ruhuanga. Ashtahuanpish sinchi caichic, ama manchaichicchu» nirca.

JOSUÉ 10:8

Chaipimi Mandac Diosca Josuetaca: —Ñucami paicunataca cambac maquipi churagrini. Chaimanta paicunataca ama manchaichu. Paicunapuramantaca pipish canhuan mana macanacui pudingachu— nirca.

DEUTERONOMIO 31:6

Paicunapac ñaupapica ama manchaichicchu. Mandac Diosca cancunahuanmi. Paicunata ricushpa, ama manchanguichicchu. Ama chucchunguichicchu. Paica cancunata mana saquingachu, mana cungaringachu» nirca.

DEUTERONOMIO 20:3

“Israelcuna caita uyaichic. Cunanmi, cancunata piñaccunahuan macanacungapac ringuichic. Paicunapac ñaupapica ama chucchuichicchu. Ama manchaichicchu, ama manchailla caichicchu, ama manchai shungu caichicchu.

DEUTERONOMIO 7:24

Jatun mandaccunatapish cancunapac maquipimi churanga. Cancuna paicunata tucuchicpimi, cai pachapica paicunapac shuticunatapish mana pi tapunga. Tucuita tucuchingacaman pi mana atingachu.

DEUTERONOMIO 3:11

Manchana jatun gentecunamantaca Basanta mandac Ogllami saquirirca. Paipac camaca fierromi carca. ¿Chai camaca manachu Amón llactapi tiyac Rabá llactapi tiyacun? Chai camaca chuscu metro largo, shuc metro pusac chunga centímetro anchomi carca.

NÚMEROS 14:9

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

NÚMEROS 32:4

tucui israelcunapac ñaupapimi Mandac Dios tucuchirca. Cai llactacunaca animalcunata mirachingapac allimi. Canta servic ñucanchicca achca animalyucmi canchic.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

DEUTERONOMIO 3:1

Cutinllatacmi Basán llactaman huichai cutircanchic. Chaipimi Basán llactata jatun mandac Ogca tucui paipac gentecunahuan Edrei llactapi ñucanchic-huan macanacungapac llucshirca.

DEUTERONOMIO 7:17

Cancunapac shungupica: “Cai llactapi causaccunaca ñucanchicta yalli achcami. ¿Ima shinatac llucchishpa cachashunyari?” ninguichicmi.

DEUTERONOMIO 7:18

Paicunataca ama manchaichicchu. Mandac Dios Egipto llactapi tucui imata ruhuashcata, Faraonta imata ruhuashcata yuyarichic.

DEUTERONOMIO 7:21

Mandac Diosca cancunapac chaupipimi. Chaimanta ama paicunataca manchaichicchu. Paica jatun manchana Diosmi.