NÚMEROS 20:8 - Dios Rimashcata Quillcashcami

⁸ «Cambac varata japishpa, cambac huauqui Aaronhuan ishcai tucushpa, tucui israelcunata tandachishpa, paicunapac ñaupapi jatun rumita rimai. Shina rimacpica, chai rumimantaca yacumi llucshinga. Chai yacutaca israelcunamanpish, paicunapac animalcunamanpish ubiachingui» nirca.

NÚMEROS 20:8 Referans Kwoze

ÉXODO 4:17

Cai taunata cambac maquipi apai, cai taunahuanmi mancharina ricuchinacunata ricuchingui.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

ISAÍAS 43:20

Ñuca acllashcacuna ubiachun shitashca pambapi yacuta llucchicpi, chaquishca pambapi yacuta cucpimi, sacha animalcunapish, chacal animalcunapish, huahua avestruzcunapish ñucata alli ningacuna.

APOCALIPSIS 22:1

Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

HECHOS 1:14

Tucui paicunami shuc yuyailla Diosta mañacurca. Jesuspac huauquicunapish, paipac mama Mariapish, caishuc huarmicunapishmi chaipi carca.

SAN JUAN 16:24

Cunancamanca, ñuca shutipi imata mana mañashcanguichicchu. Cancunapac shungupi yallita cushicui tiyachun mañaichic, chasquinguichicmi.

SAN LUCAS 11:13

Cancuna mana alli cashpapish, huahuacunamanca allitami cunguichic. Ashtahuanpish jahua pacha Dioscarin, jucha illac Espiritutami mañacpica cunga— nirca.

SAN MATEO 21:21

Chaimantami Jesusca: —Tucui shunguhuan crishpa, mana caita chaita yuyashpaca, mana cai higo yurallatachu chaquichinguichic, ashtahuanpish cancuna urcuta: “¡Caimanta anchuri, mama cuchaman shitari!” nicpica, rinmanllami. Chaica chashnatacmi.

ISAÍAS 48:21

Chaquishca pambata pushacpipish mana yacunayachircacunachu. Rumimantami yacuta llucchirca. Jatun rumi quingraita paquicpimi, yacuca callparca” ninguichic» ninmi.

SALMOS 114:8

Paimi chaquishca rumi quingraitaca yacu junduta ruhuarca. Jatun rumitaca yacu tucyacuctami ruhuarca.

SALMOS 105:41

Rumi quingraita chaupishpami yacuta llucchirca. Chai yacuca chaquishca allpacunatami jatun yacu tucushpa callparca.

SALMOS 33:9

Pai rimacpimi tucui imapish ruhuarirca. Pai mandacpica maipi tiyarina pushtullapitacmi tucui imapish tiyarirca.

NEHEMÍAS 9:15

Yarcachicpipish, jahua pachamantami tandata curcangui. Yacunayachicpipish, rumi quingraimantami yacuta llucchishpa ubiachircangui. Can cushami nishpa ari nishca, llactaman yaicushpami, allpata japinguichic nircangui.

JOSUÉ 6:20

Israelcuna caparicpimi, curacunapish oveja gachupi tocarcacuna. Chai tocashcata uyashpaca, sinchitami caparircacuna. ¡Shina caparicpica, jatun pircapish urmarcami! Chaipica, tucui israelcunami paicunapac ñaupata rishpa puebloman yaicurcacuna.

JOSUÉ 6:5

Oveja gachucunapi unaita tocashpa uyaricpica, tucui gentecunami sinchita caparinga. Chaipica, pueblota jarcashca pircaca urmangami. Shina tucucpica, chai puebloman rishpami llaquichigrina canguichic» nirca.

NÚMEROS 21:18

Mandaccunami varahuan allarca. Mandashcacunata cuccunami paicunapac tauna caspihuan allarca» nirca. Shitashca pambamanta Mataná pushtumanmi chayarca.

NÚMEROS 21:15

Jatun yacu tandarishpa ricuc ladopipish ayudarcami. Chai yacuca Ar llactata rishpami, Moab llacta linderopi samarin» nicun.

NÚMEROS 20:11

Chashna nishpami, Moisesca maquita alzashpa, paipac varahuan ishcai cutin rumi quingraipi huactarca. Chashna huactacpica, achca yacumi llucshirca. Chai yacutami tandanacushca israelcunapish, paicunapac animalcunapish ubiarca.

ÉXODO 17:9

Chaimantami Moisesca Josuetaca: —Israelcunamanta maijancunata acllashpa amalecitacunahuan macanacungapac llucshi. Ñucaca Mandac Diospac varahuanmi caya tutamanta urcu jahuapi shuyacusha— nirca.

ÉXODO 14:16

Israelcunaca cucha chaupita chaquishca allpata shina pasachun, cambac varata alzashpa, cuchata ishcaipi chaupi.

ÉXODO 7:20

Moisespish, Aaronpish Mandac Dios nishca shinallatacmi ruhuarca. Varata alzashpami, Faraonpac, paita serviccunapac ñaupaman rishpa, jatun yacupi huactarca. Shina ruhuacpica, tucui chaipi tiyac yacucunami yahuar tucurca.

ÉXODO 4:20

Moisesca paipac huarmitapish, huahuacunatapish burropi tiyachishpami Egiptoman cutirca. Dios cushca taunatapish apashpami cutirca.

ÉXODO 4:2

Shina nicpimi, Mandac Diosca: —¿Imatatac maquipi charicungui?— nirca. Shina nicpimi Moisesca: —Shuc taunatami charicuni— nirca.

GÉNESIS 18:14

Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

NÚMEROS 20:7

Mandac Diosca Moisestaca: