NÚMEROS 2:2 - Dios Rimashcata Quillcashcami

² «Israelcunaca ñucahuan tupana huasi muyundipimi carpacunata shayachishpa, quiquin banderacunahuan, quiquin aillupura tiyarina can.

NÚMEROS 2:2 Referans Kwoze

1 CORINTIOS 14:40

Ashtahuanpish imata ruhuashpapish, allita ruhuaichic. Ama maipish cachun ruhuaichicchu.

1 CORINTIOS 14:33

Chaica, Diosca mana maipish cachun causachun munanchu. Ashtahuanpish sumac causaita cuc Diosmi. Diospaclla cac tandanacushca criccuna imata ruhuac cashca shinami,

JOSUÉ 3:4

Shina catishpami, maita rinata yachanguichic. Cancunaca cai ñantaca mana rishcanguichicchu. Arcataca shuc kilómetro caruta catinguichic. Chaimanca ama cuchuyanguichicchu» nirca.

NÚMEROS 10:25

Quipataca Dan aillupac soldadocunami banderahuan cuidashpa rirca. Paicunataca Amisadaipac churi Ahiezermi mandacurca.

NÚMEROS 10:22

Chai quipataca Efraín aillupac soldadocunami banderahuan rirca. Paicunataca Amihudpac churi Elisamami mandacurca.

NÚMEROS 1:50

Chaipac randica mandashcacunata huacaichishca ñucahuan tupana ucutapish, tucui chaipi tiyaccunatapish ricuchun churangui. Paicunami ñucahuan tupana huasitapish, chaipi imalla tiyaccunandi apanga. Chashnami carpa huasipi servishpa, chai muyundipi causanga.

COLOSENSES 2:19

Paicunaca Apunchic Jesucristohuanca mana shuc shinallachu cancuna. Apunchic Jesucristo tandanacushca criccunapac uma shina cashcamantami, micunata carashpa huiñachic shina tucuita tandachishpa, Dios munashca shina pushan.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli caticushcatami cancunamantaca uyasha nini.

ZACARÍAS 9:16

Chai punzhapica, Mandac Diosmi, pai acllashcacunataca ovejacunata shina quishpichinga. Chai llactapica coronapi churana diadema curi rumicuna shinami, mai valishca canga.

EZEQUIEL 43:7

Chaipi rimashpaca: «Huañunalla runa, caipimi ñuca tiyarinaca. Ñuca chaquicunataca caipimi samachisha. Caipimi israelcunahuan huiñaita causasha. Cunanca israelcunapish, jatun mandaccunapish ña mana huainayashpa, jatun mandac huañushca cuerpota lomacunapi tiyac altarcunapi churashpa, ñuca shutita mapayachingachu. Ruhuashcalla dioscunatapish ña mana ashtahuan adorangacunachu.

ISAÍAS 18:3

Tucui cai pachapi causaccuna urcucunapi banderata shayachishcata ricuichic. Cornetapi tocashcata uyaichic.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

SALMOS 76:11

Cancunata Mandac Diosman imata cusha nishpaca pactachinami canguichic. Cuchulla llactacunapi causaccunapish manchana Diosman ofrendata apamuichicyari.

NÚMEROS 10:18

Paicunapac huashataca Rubén aillupac soldadocunami banderahuan rirca. Paicunataca Sedeurpac churi Elisurmi mandacurca.

NÚMEROS 10:14

Ñaupataca Judá aillupac soldadocunami banderahuan llucshirca. Paicunataca Aminadabpac churi Naasonmi mandacurca.

NÚMEROS 2:10

Rubenpac aillumanta soldadocunaca ura ladopimi quiquin banderahuan carpacunata shayachishpa tiyaringa. Paicunataca Sedeurpac churi Elisurmi mandanga.

NÚMEROS 2:3

Judapac aillumanta soldadocunaca inti llucshina ladopimi carpacunata shayachishpa, quiquin banderahuan tiyaringa. Paicunataca Aminadabpac churi Naasonmi mandanga.

NÚMEROS 2:1

Mandac Dios Moisestapish, Aarontapish rimashpaca:

NÚMEROS 24:2

Balaam huichailla ricushpaca, israelcuna cada aillu chican chican tiyacuctami ricurca. Chaipimi Diospac Espíritu paipacman shamurca.

SALMOS 74:4

Canta piñaccunaca cambac tandanacuna huasi ucupimi mishashpa caparincuna. Paicuna japishcata ricuchic banderatami churarcacuna.