NÚMEROS 19:21 - Dios Rimashcata Quillcashcami

²¹ Cai mandashcacunaca cancuna huiñaita pactachichun mandashcami. Yacuhuan mapa illacta ruhuac runapish paipac churanata tacshanami can. Maijanpish mapa illacta ruhuac yacupi tuparicca tutayangacamanmi mapa canga.

NÚMEROS 19:21 Referans Kwoze

HEBREOS 10:4

Huagracunapac, chivocunapac yahuarpish juchacunataca mana anchuchi pudinchu.

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.

HEBREOS 7:19

Moisés mandashcacunaca pactachishpaca, pita jucha illacta ruhuarca. Chaimantami Diospacman chayaringapacca shuc sumac shuyana cashcata shuyacunchic.

LEVÍTICO 11:40

Maijanpish huañushca animalta micucca paipac churanata tacshanami. Shinallatac tutayangacamanmi mapa canga. Maijanpish huañushca animalta aparishpaca, paipac churanata tacshanami. Shina ruhuashpapish tutayangacamanmi mapa canga.

LEVÍTICO 11:25

Chai huañushca animalcunata maijanpish apashpaca churanata tacshanami. Shinallatac tutayangacamanmi mapa canga.

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

NÚMEROS 19:7

Chaimantaca paipac churanata tacshashpa, paipish armarishpami paipac causana carpa huasiman yaicunga. Chashna cashpapish tutayangacamanmi mapa canga.

NÚMEROS 18:23

Levitacunallami ñucahuan tupana huasipica servinga. Israelcuna chai ucuman yaicushpa juchallicpica, paicunami juchanchishca canga. Caica cambac huahua huahuacunamanmi huiñaita quillcashpa mandashca canga. Levitacunaca israelcunapurapica ima allpata mana japingachu.

NÚMEROS 19:8

Chai vacata rupachic runapish churanata tacshashpa, yacuhuan armarina can. Shinallatac tutayangacamanmi mapa canga.

NÚMEROS 19:10

Uchupata pallac runapish paipac churanata tacshanami can. Shinallatac tutayangacamanmi mapa canga. Cai mandashcataca israelcunapish, shuctac llactamanta shamushpa, paicunahuan causaccunapish huiñaita pactachichun mandashcami.