NÚMEROS 19:18 - Dios Rimashcata Quillcashcami

¹⁸ Chai yacupica mapa illac runami hisopota japishpa, chai yacupi jucuchishpa, carpa huasipipish, chaipi tucui tiyaccunapipish chirapanga. Chashnallatacmi huañushcapac tullupi, mana cashpaca huañushcapi, mana cashpaca huañuchishcapi, mana cashpaca enterrashcapi tuparishca runapi chirapanga.

NÚMEROS 19:18 Referans Kwoze

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

NÚMEROS 19:9

Chai quipaca shuc mapa illac runami uchupataca carpa huasimanta llucchishpa, chuyanlla pushtupi churanga. Chaitaca tandanacushca israelcunami yacupi churangapac huacaichinga.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

SAN JUAN 17:19

Paicunapish cashcata nic rimashcahuan cambaclla tucuchunmi, ñucapish paicunapac allipac cambaclla tucuni.

SAN JUAN 17:17

Paicunata cambaclla cachun cambac rimashca shimihuan millaimanta huacaichingui. Canca cashcata nicmi cangui.

SALMOS 51:7

Hisopu sachahuan pichayari, chaipica chuyami casha. Ñucataca jahuaiyari, can jahuapica rasutapish yalli yuranllami casha.

HEBREOS 9:19

Moisesmi israelcunaman Dios mandashcataca huillarca. Chaimantami puca millmatapish, hisopo ramatapish, becicunapac, chivocunapac yahuarhuan, yacuhuan chapushpa, jucuchishpa Dios mandashca quillcapi, tucui israelcunapac jahuapi chiraparca.

NÚMEROS 19:17

Chashna mapayashpaca juchata pichachun rupachishca vaca uchupata japishpami shuc tinapi churashpa, callpac yacuta churanga.

NÚMEROS 19:19

Mapa illac runami quimsa punzhapi, canchis punzhapi mapayashca runa jahuapi yacuta chirapanga. Shina ruhuashpaca paipish churanata tacshashpa armarinami can.

ISAÍAS 52:15

Chashnallatacmi quipaman paita ricushpaca, tauca llactacuna yallita mancharinga. Jatun mandaccunapish paipac ñaupapi mana imatapish rimai pudishpami upalla saquiringa. Paicunaca jaicapi pi mana ricushcata, mana uyashcatami ricunga, shinallatac entendinga.

SALMOS 51:9

Ñuca juchacunataca ama ricuichu. Tucui ñuca mapacunata pichailla.