NÚMEROS 19:13 - Dios Rimashcata Quillcashcami

¹³ Maijanpish huañushcapi tuparishpa, mana armarishca cashpa ñucahuan tupana huasitami mapayachin. Chai runapac cuerpopi chai chuyayana yacu mana chayashca cashcamantaca israelcunapuramanta anchuchishcami canga. Chashna mana chuyayashcamantaca mapallatacmi saquiringa.

NÚMEROS 19:13 Referans Kwoze

LEVÍTICO 15:31

Chai shina ruhuacpimi, israelcunaca paicunapac chaupipi cac ñucahuan tupana huasimanca ima mapa illac shamungacuna. Paicunaca mapamanta chuyayana cashca shina, mana chuyayashpa ñucahuan tupana huasita mapayachishpa, ama huañuchunmi chashna yachachina canguichic” ningui» nirca.

LEVÍTICO 22:3

Shinallatac: “Cancunapac huahua huahuacunamanta maijanpish mapa cashpa, israelcuna Mandac Dios ñucaman chicanyachishcaman cuchuyacca ñuca ñaupamanta anchuchishcami canga. Ñucaca Mandac Diosmi cani.

LEVÍTICO 7:20

Dios-huan alli tucungapac cushca ofrendaca Mandac Diospaclla chicanyachishcami. Chai aichata maijanpish mapayashca cashpapish micucca israelcunapuramanta anchuchishcami canga.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

APOCALIPSIS 22:11

Mana allita ruhuaccunaca chashnallatac ruhuashpa catichun, millanayaita ruhuaccunaca chashnallatac ruhuashpa catichun saquinguilla. Cutin allita ruhuaccunaca chashnallatac allita ruhuashpa catichun, shinallatac Diospaclla caccunapish Diospaclla causashpa catichun saquinguilla— nirca.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

HEBREOS 10:29

¡Ashtahuanpish Diospac Churita sarushpa, paipac jichashca yahuarta yangapi churashpa, Diospac cuyac Espirituta camishpa rimacca yalli llaquitami apanga! Chai yahuarmi mushuc ari ninacuita pactachin, shinallatac juchata pichan.

SAN JUAN 8:24

Chaimantami “cancunapac juchallapitacmi huañunguichic” nircani. Ñucata cancuna mana crishpaca, cancunapac juchallapitacmi huañunguichic— nirca.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

NÚMEROS 19:20

Maijan mana chuyayashca cashpa, Mandac Diospaclla carpa huasita mapayachishcamantami tandanacushca israelcunapuramanta anchuchishca canga.

NÚMEROS 19:18

Chai yacupica mapa illac runami hisopota japishpa, chai yacupi jucuchishpa, carpa huasipipish, chaipi tucui tiyaccunapipish chirapanga. Chashnallatacmi huañushcapac tullupi, mana cashpaca huañushcapi, mana cashpaca huañuchishcapi, mana cashpaca enterrashcapi tuparishca runapi chirapanga.

NÚMEROS 19:9

Chai quipaca shuc mapa illac runami uchupataca carpa huasimanta llucchishpa, chuyanlla pushtupi churanga. Chaitaca tandanacushca israelcunami yacupi churangapac huacaichinga.

NÚMEROS 15:30

Ashtahuanpish israelcuna cashpa, shuctac llactamanta shamushca cashpapish yachashca jahua juchallishpaca, ñucatami llaquichin. Chashna ruhuac runaca israelcunapuramanta anchuchishcami canga.

NÚMEROS 8:7

Paicunata mapa illacta ruhuangapacca cashna ruhuangui: Mapa illacta ruhuac yacuta paicunapac jahuapi chirapangui. Paicunapac cuerpotaca cuchillohuan aspishpa, churanatapish tacshachun mandangui. Chashna ruhuacpimi, paicunaca mapa illac tucunga.

LEVÍTICO 20:3

Moloc diosman paipac huahuata cushpa, jucha illac ñuca shutita yangata ruhuashcamanta, ñucapaclla chicanyachishca huasitapish mapayachishcamantaca piñashpami chai runataca israelpuramanta anchuchisha.

LEVÍTICO 5:17

Maijanpish mana yachashcamanta Dios ama ruhuachun nishcacunata ruhuashpa, chaita ruhuashcata mana yachac chayashpapish juchayucmi tucunga. Chaimanta llaquichishcami canga.

LEVÍTICO 5:6

Mandac Diosman shuc malta ovejata, mana cashpaca shuc malta chivota cuna can. Chaitaca curami chai runapac juchamanta Mandac Diosman cunga. Shina cucpimi, chai juchataca Diosca perdonanga.

LEVÍTICO 5:3

Maijanpish mana yachashcamanta mapami nishcacunapi tuparishpa, quipata yachai yachashpaca juchayucmi tucunga.

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.

LEVÍTICO 7:21

Maijanpish mapa animalpi, mana cashpaca ima shuctac mapapi tuparishpa, mapayashca runa Mandac Dios-huan alli tucungapac cushca animal aichata micucca israelcunapuramanta anchuchishcami canga» nirca.

NÚMEROS 19:14

Carpa huasipi maijan huañucpica, caitami ruhuana can: Tucui carpa ucupi caccunapish, chaiman yaicuccunapish canchic punzhacamanmi mapa canga.

NÚMEROS 19:19

Mapa illac runami quimsa punzhapi, canchis punzhapi mapayashca runa jahuapi yacuta chirapanga. Shina ruhuashpaca paipish churanata tacshashpa armarinami can.

EZEQUIEL 44:26

Mapayashpaca armarinami can. Chai quipaca canchis punzhatami chuyayana can.

ÉXODO 30:33

Maijanpish cai aceite shinata ruhuacpish, cai aceiteta yanga runapi cahuicpish israelpuramanta anchuchishcami canga” ningui» nirca.

LEVÍTICO 22:4

Aaronpac huahua huahuapuramanta maijanpish lepra ungüihuan, mana cashpaca yurac yacu cacharirishca cashpa, manarac chuyayashpaca ñucapaclla chicanyachishcataca mana micui pudinchu. Huañushcapi, ima shuctac mapapi, yurac yacu cacharirishca runapi,

NÚMEROS 9:13

Maijan manapish mapa cashpa, manapish caru llactapi cashpa Pascua micuita mana ruhuacca israelpuramanta anchuchishcami canga. Mandac Dios ñuca mandashca punzhapi ofrendata mana cushcamantami llaquichishca canga.