NÚMEROS 18:8 - Dios Rimashcata Quillcashcami

⁸ Mandac Diosca Aarontaca: «Riqui, ñucaman alzashpa cushca ofrendacunataca can cuidachunmi churani. Israelcuna chicanyachishpa ñucaman tucui cushcacunataca cura cashcamantaca canmi japina cangui. Caitaca huiñaipacmi cambac huahua huahuacunamanpish cuni.

NÚMEROS 18:8 Referans Kwoze

LEVÍTICO 6:16

Chai puchuca Aaronmi paipac churicunandi micunga. Chaitaca levadura illactami Dios-huan tupana huasi canzha pambaman rishpa, Diospaclla chicanyachishca pushtupi micunga.

LEVÍTICO 7:6

Chai ofrendaca Diospaclla chicanyachishcami. Chaimantami curacunalla Diospaclla chicanyachishca pushtupi micuna can.

LEVÍTICO 6:18

Shinallatac chaicunataca Aaronpac churicunami micuna can. Diosman cushpa rupachishcataca Aaronpac huahua huahuacuna huiñaita micuchun mandashcami. Shinallatac chaicunapi tuparicca Diospacllami tucunga» nirca.

ÉXODO 40:15

Shinallatac Aaronta ima shinami aceitehuan cahuishca shinallatac, paipac churicunatapish ñucapaclla chicanyachishca curacuna cachun aceitehuan cahuingui. Chai aceitehuan cahuicpica, paicunapac huahua huahuacunapish huiñaitami ñucapaclla curacuna canga» nirca.

ÉXODO 40:13

Aarontaca ñucapaclla chicanyachishca churanacunata churachishpa, aceiteta tallishpa chicanyachingui. Chashna ruhuacpimi, ñucapaclla cura canga.

ÉXODO 29:29

Ñucapaclla chicanyachishca Aaronpac churanaca pai huañushca quipaca churicunamanmi canga. Paicunami ñucata servingapac aceitehuan cahuishca cashpaca churaringa.

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.

HEBREOS 1:9

Canca cashcata ruhuanatami munangui. Mana allita ruhuanataca piñashcanguimi. Chaimantami cambac Dios ñucaca, caishuccunamanta yalli canman cushicuita cungapac canta acllashcani nini” ninmi.

ISAÍAS 10:27

Chai punzhacunapica cancuna apashca llashac quipitapish, cancunapac cungapi churashca yugotapish anchuchingami. Aceiteta umapi tallicpimi, chai yugoca ñuturinga.

DEUTERONOMIO 26:13

Chaimanta Mandac Diostaca: “Ñami cambaclla chicanyachishcataca ñucanchic huasimanta llucchimunchic. Can mandashca shinami levitacunamanpish, carumanta shamushcacunamampish, taita mama illaccunamanpish, viudacunamanpish curcanchic. Can mandashcacunataca mana cungarishpami tucuita pactachircanchic.

DEUTERONOMIO 12:11

Mandac Dios paipac shutita causachun acllashca pushtuman ñuca apachun nishca tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish apanguichic.

DEUTERONOMIO 12:6

Chaimanmi tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish, quiquin munaimanta cuna ofrendatapish, punta huacharishca huagratapish, ovejatapish apana canguichic.

NÚMEROS 18:9

Mana rupachishca ofrendacunaca ñucapaclla chicanyachishcami. Chaimantami chaicunataca can japingui. Grano ofrendapish, juchamanta cushcacunapish, mana cashpaca pandarishcamanta cushcacunapish ñucapacllami can. Chaimanta chaicunaca canmanpish, cambac churicunamanpishmi canga.

LEVÍTICO 21:10

Cancunapuramanta aceitehuan cahuishca, shinallatac ñucapaclla chicanyachishca churanata churarishca mandac cura cashpaca, mana acchata cacharishcachu purina can. Churanatapish mana lliquirinachu can.

LEVÍTICO 8:30

Chai quipami Moisesca altarpi tiyac yahuartapish, cahuina aceitetapish japishpa Aaronpipish, paipac churicunapipish, paicunapac churanacunapipish chiraparca. Chashna ruhuacpimi, Aaronpish, churicunapish, churanacunapish Diospaclla saquirirca.

LEVÍTICO 6:26

Chaitaca juchamanta Diosman cushpa, rupachic curallatacmi Dios-huan tupana huasi canzha pambapi, Diospaclla chicanyachishca pushtupi micunga.

LEVÍTICO 6:20

«Aaronpish, paipac churicunapish paicunata aceitehuan cahuishca punzhapica, ishcai kilo alli harinatami chaupitaca tutamanta, chaupitaca chishita cuna can. Chaitaca huiñaitami cuna can.

ÉXODO 29:21

Altar jahuapi cac yahuartapish, aceitetapish japishpa Aaronpac, paipac churicunapac jahuapi shinallatac paicunapac churanapi chirapangui. Shinami Aaronpish, paipac churicunapish ñucapaclla chicanyachishca canga.

1 CORINTIOS 9:13

Diosta mañana huasipi serviccunaca, chai huasiman apashca micunatami micun. Chai altarpi serviccunaca Diosman cushcatami micuncuna. Chaitaca cancunallatac yachanguichicmi.

LEVÍTICO 7:14

Mandac Diosman cushca tucui ofrendacunamantami ashata chicanyachina can. Chaitaca Dios-huan alli tucungapac chirapac curami japinga.

LEVÍTICO 7:28

Mandac Diosca Moisestaca:

2 CRÓNICAS 31:4

Shinallatac Mandac Dios mandashcata curacunapish, levitacunapish ruhuashpa catichunca, Jerusalenpi causaccunatami curacunaman, levitacunaman cuna cashcata cuchun mandarca.

ÉXODO 28:43

Chai churanahuanmi Aaronpish, paipac churicunapish ñucahuan tupana huasipi tandanacungapac, mana cashpaca altarpi servingapac yaicunga. Mana chashna yaicushpaca, juchallishpa huañungami. Cai mandashcacunami huiñaipac Aaronmanpish, quipa miraicunamanpish can.

ÉXODO 29:28

Chaicunaca israelcuna alzashpa ñucaman cushcami. Chaimantami chai aichaca Aaronman, paipac churicunaman cuna can. Chaitaca huiñaita ruhuachunmi mandashca canga. Chaica israelcuna ñucahuan alli tucungapac alzashpa cushca aichami.

LEVÍTICO 23:20

Chaitaca punta pucushca granomanta ruhuashca ishcai tandahuanmi curaca cuyuchishpa, Mandac Dios ñucamanca cunga. Chaicunaca ñucapaclla chicanyachishca cashcamantami curapac canga.

NÚMEROS 5:9

Israelcuna ñucaman cungapac chicanyachishcaca curapacllami canga.

DEUTERONOMIO 18:1

Leví aillu curacunaca mana israelcunahuan pacta allpata japingachu. Paicunaca Mandac Diosman cushpa rupachishcacunata, Diospaclla chicanyachishcacunatami micunga.

2 REYES 12:16

Juchata ruhuashcamanta, mana allita ruhuashcamanta cushca cullquitapish Mandac Diospac huasimanca mana apamurcacunachu. Chai cullquica curacunamanmi carca.

2 CRÓNICAS 31:5

Pai mandashcata huillacpica, tucui israelcunami allpacunapi pucushca punta granota, vinota, aceiteta, bunga mishquita, pambacunapi pucushca shuctac granocunatapish achcata curcacuna. Shinallatac tucui ima tiyashcacunamantami chungamanta shucta chicanyachishpa achcata apamurcacuna.