NÚMEROS 18:21 - Dios Rimashcata Quillcashcami

²¹ Levipac huahuacunaca ñucahuan tupana huasipimi servincuna. Chaimantami paicunamanca israelcuna chungamanta shucta ñucaman cushcacunata cuni.

NÚMEROS 18:21 Referans Kwoze

NEHEMÍAS 12:44

Chai punzhapica imapish yalli valishcacunata, Diosman cushcacunata, punta pucushcacunata, chungamanta shucta cushcacunata, huacaichina ucuta cuidachunmi churarca. Paicunataca pueblo muyundi pambacunapi pucushcacunata, shinallatac mandashcapi nishca shina curacunaman, levitacunaman cungapac apamushcacunata tandachichunmi churarca. Judá llactapi causaccunaca curacunapish, levitacunapish Diosta servicucpica yallitami cushicurca.

NEHEMÍAS 10:37

Punta masashca tandata, tucui yuracunapi punta pucushca granota, punta ruhuashca vinota, aceiteta curacunaman, ñucanchic Diospac huasiman apamungapac. Ñucanchic allpapi pucushcacunataca chungamanta shucta levitacunaman apamungapacmi ari nircanchic. Ñucanchic allpapi pucushca granocunataca levitacunamanmi chungamanta shucta cungapac tucui pueblocunapi tandac carcanchic.

HEBREOS 7:5

Moisés mandashcapish nishca shina, Levipac huahua huahuapuracunami curacuna cashpaca, israelcuna chungamanta shucta cushcata japicmi carca. Chashnami Abrahampac huahua huahuacuna cashpapish ruhuac carca.

GÁLATAS 6:6

Dios rimashca shimita yachachiccunamanca yachacuccunaca imatapish cunami can.

NEHEMÍAS 13:12

Chai quipami Judá llactapi causaccunaca trigota, vinota, aceiteta, chungamanta shucta huacaichina ucuman apamurcacuna.

NEHEMÍAS 10:29

Dios mandashcata pactachingapac ari nishpami paicunapac huauquicunahuan, mandaccunahuan tandanacurca. Ñucanchicta Mandac Dios paita servic Moisesman imata ruhuachun nishpa mandashcacunata pactachichun cushca shimicunata cazushpa pactachingapacmi tandanacurca.

2 CRÓNICAS 31:12

Chai ucupimi mana cungarishpa punta pucushcamanta cushca granotapish, chungamanta shucta cushcacunatapish, Diosman chicanyachishpa cushcacunatapish alli huacaichirca. Chaipi tucuita ricuchunca, Conanías levitatami churarca. Paipac quipa ricuchunca, paipac huauqui Simei levitatami churarca.

NÚMEROS 18:6

Riquichic, Mandac Dios ñucami cancunapac huauqui levitacunataca israelpuramanta ñucahuan tupana huasipi ñucata servishpa cancunata ayudachun acllarcani. Ñucami paicunataca cancunata ayudachun curcani. Paicunaca ñucaman cushcami.

GÉNESIS 14:20

Canta piñaccunata cambac maquipi churac, jahua pachapi causac Diosca alli nishca cachun» nirca. Chaimantami Abramca tucui quichushcacunamanta chungamanta shucta Melquisedecman curca.

NÚMEROS 31:28

Jatun macanacuiman llucshishpa, sinchi soldadocuna macanacushpa quichushcacunataca ñucaman cunguichic. Chashnami gentecunatapish, huagracunatapish, burrocunatapish, ovejacunatapish, cada pichca patsacmanta shucta chicanyachishpa, Mandac Dios ñucaman cuna canguichic.

DEUTERONOMIO 18:8

Micunatapish caishuccuna shinallatacmi charinga. Chaicunataca taitamanta imata japishca jahuami charinga.

NEHEMÍAS 12:47

Zorobabel, shinallatac Nehemías causacui punzhacunapica tucui israelcunami punzhanta cantaccunamanpish, pungupi cuidaccunamanpish cararcacuna. Shinallatac levitacunaman cungapacmi imallata chicanyachic carcacuna. Levitacunapish chai cushcacunamantaca Aaronpac huahua huahuacunamanmi cuna cashcata curca.

NEHEMÍAS 13:5

Shina cashpami, shuc jatun ucuta ruhuashpa paiman cushca carca. Chai ucupimi ofrendacunata, inciensota, imalla charinacunata, trigota, vinota, aceiteta, chungamanta shucta cushcacunataca huacaichic carca. Chai huacaichishcacunatami levitacunaman, cantaccunaman, pungupi cuidaccunaman, curacunaman cuchun mandashca carca.

MALAQUÍAS 2:4

Chashna ruhuacpimi, ñuca Levipac huahuacunahuan ari nishca pactachun, ñuca mandashcata yachanguichic.

MALAQUÍAS 3:10

Ñuca huasipica micuna ama illachun, chungamanta shucta apamushpa, maipi huacaichinapi churashpa ricuichic. Cancuna shina ruhuacpica, ñucapish jahua pacha ventanacunata pascashpami, yallita bendiciasha.

GÉNESIS 47:24

Chai pucushca granomantaca chungamanta ishcai tuluta Faraonman cunguichic. Shinallatac cancuna tarpungapacpish, cancunapac huahuacunamanpish, huasi ucupi causaccunamanpish carangapac pusac tulucunata huacaichinguichic— nirca.

GÉNESIS 47:26

Chashnami Joseca tucui Egipto llactapi pucushca granotaca chunga tulumanta ishcaita Faraonman cuchun mandashpa saquirca. Chai mandashcacunaca cunan punzhacamanmi tiyan. Shina cacpipish, curacunapac allpaca mana Faraonpac tucurcachu.

NÚMEROS 3:6

«Aarón curata ayudachun Levipac aillucunata pushamui.

NEHEMÍAS 10:38

Chungamanta shucta levitacuna japinacucpica, Aaronpac huahua huahuapuramanta shuc curami paicunahuan canga. Levitacuna chungamanta shucta japishcamantaca cutinmi chungamanta shucta chicanyachishpa, ñucanchic Diospac huasipi tiyac huacaichina ucupi huacaichinga.