NÚMEROS 18:19 - Dios Rimashcata Quillcashcami

¹⁹ Israelcuna ñucaman alzashpa tucui cushcacunaca canmanpish, cambac churicunamanpish, canhuan causac ushicunamanpishmi canga. Chaicunataca huiñaita micuchun cushcami. Chaica canmanpish, cambac huahua huahuamanpish huiñaita cungapac Mandac Diospac ñaupapi ari nishcata ricuchic cachi shinami can» nirca.

NÚMEROS 18:19 Referans Kwoze

2 CRÓNICAS 13:5

Israelcunata Mandac Diosca Davidman, shinallatac paipac huahua huahuacunaman israelcunata mandana huiñaipac cachun, mana shuctacyaipacta ruhuashpa, ari nishcataca, ¿manachu yachanguichic?

NÚMEROS 18:11

Shinallatac israelcuna ñucaman alzashpa cushcacunapish, cuyuchishpa cushcacunapish canman, shinallatac cambac churicunaman, canhuan causac ushicunamanmi canga. Chaicunataca huiñaitami micui pudinguichic. Cambac huasipi causac ima mapa illaccunami micunga.

LEVÍTICO 2:13

Tucui grano ofrendatami cachihuan cuna can. Dios cancunahuan ari nishcata ricuchic cachitaca pacta ofrendapi churanata cungaringuiman.

2 CRÓNICAS 31:4

Shinallatac Mandac Dios mandashcata curacunapish, levitacunapish ruhuashpa catichunca, Jerusalenpi causaccunatami curacunaman, levitacunaman cuna cashcata cuchun mandarca.

DEUTERONOMIO 12:6

Chaimanmi tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish, quiquin munaimanta cuna ofrendatapish, punta huacharishca huagratapish, ovejatapish apana canguichic.

NÚMEROS 31:41

Moisesca Mandac Dios mandashca shinallatacmi huichai alzashpa cushca ofrendataca Eleazar curaman curca.

NÚMEROS 31:29

Chaicunataca Mandac Diosman cuna cashcata shina Eleazar curaman cunguichic. Chai cushcaca Mandac Diosman alzashpa cushcami.

NÚMEROS 18:8

Mandac Diosca Aarontaca: «Riqui, ñucaman alzashpa cushca ofrendacunataca can cuidachunmi churani. Israelcuna chicanyachishpa ñucaman tucui cushcacunataca cura cashcamantaca canmi japina cangui. Caitaca huiñaipacmi cambac huahua huahuacunamanpish cuni.

LEVÍTICO 7:14

Mandac Diosman cushca tucui ofrendacunamantami ashata chicanyachina can. Chaitaca Dios-huan alli tucungapac chirapac curami japinga.

DEUTERONOMIO 12:26

Shina cashpapish, Mandac Diosman cungapac chicanyachishcatapish, cushami nishca ofrendatapish Mandac Dios acllashca pushtuman apanguichic.

2 REYES 12:16

Juchata ruhuashcamanta, mana allita ruhuashcamanta cushca cullquitapish Mandac Diospac huasimanca mana apamurcacunachu. Chai cullquica curacunamanmi carca.

EZEQUIEL 43:24

Chaita cushca quipaca curacunami cachita churashpa, ñucaman cushpa tucui rupachinga.

ÉXODO 29:27

Aaronta, paipac churicunata ñucapaclla cachun chicanyachingapac cuyuchishpa cushca pecho aichata, alzashpa cushca rigra aichata chicanyachingui. Chai aichaca Aaronman, paipac churicunamanmi canga.

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.