NÚMEROS 18:10 - Dios Rimashcata Quillcashcami

¹⁰ Chai ofrendataca caripurallami ñucapaclla chicanyachishca ucupimi micuna canguichic.

NÚMEROS 18:10 Referans Kwoze

LEVÍTICO 7:6

Chai ofrendaca Diospaclla chicanyachishcami. Chaimantami curacunalla Diospaclla chicanyachishca pushtupi micuna can.

LEVÍTICO 6:29

Chai ofrendacunaca Diospaclla chicanyachishcami. Chaimantami chai aichataca tucui curacunalla micunga.

LEVÍTICO 6:16

Chai puchuca Aaronmi paipac churicunandi micunga. Chaitaca levadura illactami Dios-huan tupana huasi canzha pambaman rishpa, Diospaclla chicanyachishca pushtupi micunga.

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.

LEVÍTICO 14:13

Chai quipami maltón ovejataca juchamanta cushcata, tucui rupachinata rupachinallapitac huañuchinga. Pandarishcamanta Diosman cushcapish, juchamanta cushcapish Diospaclla chicanyachishcami can. Chaimantami animal aichataca cura japina can.

LEVÍTICO 10:17

—Juchata pichachun Diosman cushca chivotaca, ¿ima nishpatac chicanyachishca pushtupi mana micurcanguichic? Chai aichaca Diospaclla chicanyachishcami. Chai aichaca israelcunapac juchacunata cancunaman apachishpa, Mandac Dios perdonachunmi curca.

LEVÍTICO 10:13

Diospaclla chicanyachishca pushtupi micunguichic. Mandac Diosman cushpa, rupachishca puchuca huiñaitami cambac, shinallatac cambac churicunapac canga. Cashnami Mandac Diosca ñucataca mandarca.

LEVÍTICO 6:26

Chaitaca juchamanta Diosman cushpa, rupachic curallatacmi Dios-huan tupana huasi canzha pambapi, Diospaclla chicanyachishca pushtupi micunga.

LEVÍTICO 6:18

Shinallatac chaicunataca Aaronpac churicunami micuna can. Diosman cushpa rupachishcataca Aaronpac huahua huahuacuna huiñaita micuchun mandashcami. Shinallatac chaicunapi tuparicca Diospacllami tucunga» nirca.

NÚMEROS 18:9

Mana rupachishca ofrendacunaca ñucapaclla chicanyachishcami. Chaimantami chaicunataca can japingui. Grano ofrendapish, juchamanta cushcacunapish, mana cashpaca pandarishcamanta cushcacunapish ñucapacllami can. Chaimanta chaicunaca canmanpish, cambac churicunamanpishmi canga.

NÚMEROS 18:11

Shinallatac israelcuna ñucaman alzashpa cushcacunapish, cuyuchishpa cushcacunapish canman, shinallatac cambac churicunaman, canhuan causac ushicunamanmi canga. Chaicunataca huiñaitami micui pudinguichic. Cambac huasipi causac ima mapa illaccunami micunga.

EZEQUIEL 42:13

Chai runaca ñucataca: «Jahua lado, ura lado canzha pambapi cac huasicunaca Diospacllami. Chai huasicunapimi Mandac Diospacman cuchuyac curacunaca Diospaclla chicanyachishca ofrendacunata micunga. Chaipimi juchacunamanta cushcacunatapish, pandarishcamanta cushca animalcunatapish huacaichinga. Chai ucucunaca Diospaclla chicanyachishcami canga.