NÚMEROS 16:46 - Dios Rimashcata Quillcashcami

⁴⁶ Chai quipami Moisesca Aarontaca: «Inciensota rupachinata apashpa, altarmanta ninata japishpa, inciensota churai. Shina churashpaca, utca israelcunapacman rishpa, paicunapac juchata pichachun mañai. Mandac Diosca yallita piñarishcami. Gentecunaca huañushpa tucurigrinmi» nirca.

NÚMEROS 16:46 Referans Kwoze

NÚMEROS 8:19

Ñucami levitacunataca israelpuramanta acllashpa, Aaronman, paipac churicunaman ñucahuan tupana huasipi israelcunapac randi servichun curcani. Paicunaca israelcuna ñucapaclla ucuman yaicushpa, llaquita apanatami jarcanga» nirca.

LEVÍTICO 10:6

Moisés Aarontapish, paipac churi Eleazartapish, Itamartapish rimashpaca: «Llaquilla tucushpa, achca cacharishca ama puricuichicchu. Llaquilla cashcamanta ama churanata lliquirichicchu. Pacta cancunapish huañunguichicman. Pacta tucui israelcunahuan Mandac Dios piñarinman. Cancunapac huauqui israelcunami Mandac Dios rupachishca runacunamanta huacangacuna.

SALMOS 106:29

Chashna millaita ruhuashpami Diostaca llaquichircacuna. Chaimantami Diosca huañuchic ungüita cachashpa, tauca gentecunata huañuchirca.

1 CRÓNICAS 27:24

Sarviapac cari huahua Joabmi israelcunata yupai callarirca. Chashna yupai callarishcamanta israelcunata jatun llaqui japicpimi, yupanataca mana tucuchirca. Chai yupanaca jatun mandac David imata ruhuashcata quillcashcapica mana tiyanchu.

NÚMEROS 18:5

Cancunami ñucapaclla carpa huasitapish, altartapish cuidana canguichic. Shina cuidacpimi, cutinca israelcunahuan mana piñarisha.

NÚMEROS 11:33

Paicuna aichata manarac cashtucpimi, Mandac Diosca tucui gentecunahuan nina japiric shina piñarishpa, tucuita huañuchi callarirca.

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

LEVÍTICO 9:24

Mandac Diospac ñaupamanta nina llucshimushpami, tucui rupachina animal aichatapish, altar jahuapi churashca huiratapish tucui rupachirca. Caita ricushpaca, tucui israelcunami cushicushpa, pambacaman cumurishpa, Mandac Diostaca allimari cangui nirca.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

DEUTERONOMIO 9:22

Tabera, Masá, shinallatac Quibrot-hataaval llactacunapipish yallitami Mandac Diostaca piñachircanguichic.

NÚMEROS 25:13

Huahua huahuacunapish huiñaita cura cachunmi ari ninacuita pactachisha. Mandac Dios piñaric shinallatac piñarishpami israelcunapac juchata anchuchingapac chai runata huañuchishca” ningui» nirca.

NÚMEROS 1:53

Shina cacpipish, levitacunaca mandashcacunata huacaichishca ñucahuan tupana huasi muyundipimi causanga. Ñucahuan tupana huasita levitacuna cuidacucpimi, israelcunahuanca ñucaca mana piñarisha» nirca.

NÚMEROS 25:8

Israel runata carpa huasiman catirirca. Chaipimi Israel runatapish, chai huarmitapish ishcaitatac lanzahuan huicsapi pasachinacushpa huañuchirca. Chashna ruhuacpimi, israelpurapica huañuchic ungüica pararirca.

HABACUC 3:5

Paipac ñaupataca huañuchic ungüimi rin. Paipac chaquimantaca rupacuc ninami llucshin.