NÚMEROS 14:44 - Dios Rimashcata Quillcashcami

⁴⁴ Shina nicpipish, mana cazushpami israelcunaca urcu jahuaman rirca. Chashna paicuna ricpipish, Mandac Dios-huan ari nishca quillcata huacaichina Arcatapish mana anchuchircachu. Moisespish carpa huasicuna chaupimantaca mana anchurircachu.

NÚMEROS 14:44 Referans Kwoze

DEUTERONOMIO 1:43

Ñuca chashna nicpipish, cancunaca mana uyarcanguichicchu, ashtahuanpish uyanapac randica, Mandac Dios nishcata mana cazushpami, cari tucushpa urcumanca huichai rircanguichic.

NÚMEROS 31:6

Shinami Moisesca cada aillumanta shuc huaranga macanacuc israelcunata macanacuiman cacharca. Eleazar curapac churi Fineasca macanacuipi tocangapacmi Diospaclla huasimanta vasocunatapish, trompetatapish apashpa rirca.

NÚMEROS 15:30

Ashtahuanpish israelcuna cashpa, shuctac llactamanta shamushca cashpapish yachashca jahua juchallishpaca, ñucatami llaquichin. Chashna ruhuac runaca israelcunapuramanta anchuchishcami canga.

NÚMEROS 10:33

Mandac Diospac urcumanta israelcuna rishpaca, quimsa punzhatami purirca. Mandac Dios-huan ari nishca quillcata huacaichina Arcahuanca ñaupashpami quimsa punzhata maipi samarinata mashcashpa purirca.

NÚMEROS 14:43

Chaipica amalecitacuna, cananeocunami espadahuan huañuchingapac chapacun. Mandac Diosta catinata saquishcanguichicmi. Chaimantami Mandac Diosca cancunahuanca mana can— nirca.