NÚMEROS 14:24 - Dios Rimashcata Quillcashcami

²⁴ Shina cacpipish, ñucata servic Calebca shuctac yuyaiyuc cashpami ñuca nishcata uyashpa, ñucata catishpa, risha nirca. Chaimantami paitaca ricumushca llactamanca yaicuchisha. Chashnallatac paipac huahua huahuacunami chai allpataca japinga.

NÚMEROS 14:24 Referans Kwoze

EFESIOS 6:6

Imata ruhuashpapish, ama paicunapi ricuringaraiculla, ashtahuanpish Cristopacta ruhuaccuna cashcamanta tucui shunguhuan Dios munashcata pactachishpa, ruhuaichic.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

DEUTERONOMIO 1:36

Ashtahuanpish Jefonepac churi Calebllami chai llactata ricunga. Pai purishca llactataca paiman, shinallatac paipac huahua huahuacunamanmi cusha. Paimi Mandac Dios ñucataca allita catirca” nirca.

NÚMEROS 26:65

Paicunataca Mandac Diosllatacmi: «Shitashca pambapi huañungacuna» nishca carca. Chashnami tucui huañushca carca. Ashtahuanpish Jefonepac churi Caleb, Nunpac churi Josuellami saquirishca carca.

NÚMEROS 13:30

Shina nicpimi, Calebca Moisespac ñaupapi tucui israelcunata upallachishpa: —¡Cunanca, chai llactata quichungapac jacuchic! ¡Ñucanchicmi chai llactapi causaccunata atishpa sinchicuna canchic!— nirca.

COLOSENSES 3:23

Imata ruhuana cacpipish, ama gentecunapacta ruhuacushcata yuyaichicchu, ashtahuanpish Cristopacta ruhuacushcata yuyashpa, tucui shunguhuan ruhuaichic.

SALMOS 119:80

Mana pingaichishca cangapacca can mandashcacunata tucui shunguhuan allita pactachicta ruhuaiyari.

2 CRÓNICAS 25:2

Amasiasca mana tucui shunguhuan ruhuacushpapish Mandac Diospac ñaupapica allitami causarca.

1 CRÓNICAS 29:18

Ñucanchic ñaupa taita Abrahampac, Isaacpac, Israelpac Mandac Dioslla, cai alli yuyaicunataca can acllashcacunapac shungupi tucui munaihuan canta servichun huiñaita charingui. Canta yuyarishpa causachun paicunapac shungupi yuyachingui.

1 CRÓNICAS 29:9

Gentecunaca mana llaquirishpa tucui shunguhuan, Mandac Diosman ofrendata cushcamantami cushicurca. Shinallatac jatun mandac Davidpish yallitami cushicurca.

DEUTERONOMIO 6:5

Mandac Diostaca tucui shunguhuan, tucui yuyaihuan, tucui munaihuan cuyangui.

PROVERBIOS 23:26

Ñuca huahualla, tucui shunguhuan ñucata uyaiyari. Cambac ñahuihuanca ñuca ima shina causashcata ricuiyari.

SALMOS 119:145

Ñucaca tucui shunguhuanmi caparishpa mañani. Ñucata uyaiyari. Can mandashcacunataca cazushami.

NÚMEROS 14:30

Cancunaman ñuca maquita alzashpa cushami nishca allpapi causangapacca mana yaicunguichicchu. Shina cacpipish, Jefonepac churi Caleb, shinallatac Nunpac churi Josuellami yaicunga.