NÚMEROS 14:13 - Dios Rimashcata Quillcashcami

¹³ Shina nicpipish, Moisesca Mandac Diostaca: —Mandac Dioslla, canca imatapish ruhuaclla cashcata ricuchishpami, Egiptopi causaccunapac chaupimanta israelcunataca llucchimurcangui. Cashna llaqui tucushcata Egipto llactapi causaccuna yachashpaca,

NÚMEROS 14:13 Referans Kwoze

SALMOS 106:23

Chaimantami Diosca tucuchinata munarca. Pai acllashca Moisés paipac ñaupapi mañashpa mana jarcashca cacpica, tucuchinmanmi carca. Paimi ama tucuchichun paipac ñaupapi mañashpa jarcarca.

EZEQUIEL 20:9

Shina cashpapish, shuctac llactacunapi causaccunapac ñuca shuti ama mana alli nishca cachunmi, mana llaquichircani. Chai llactacunapac chaupipimi paicunaca causarca. Ñucaca Mandac Dios cashcata ricsichishpami, israelcunataca Egipto llactamanta llucchimurcani.

DEUTERONOMIO 32:27

Shina yuyacushpapish paicunata piñaccuna jatun tucushpa: ‘Caicunataca mana Mandac Dioschu ruhuan, ashtahuanpish ñucanchicmi ruhuanchic’ ama nichunmi mana chashna ruhuarcani” nirca.

EZEQUIEL 20:14

Shina cashpapish, ñuca shuti shuctac llactacunapi causaccunapac ama mana alli nishca cachunmi, mana llaquichircani. Paicunataca chai gentecuna ricucucpimi llucchimurcani.

1 SAMUEL 12:22

Ashtahuanpish Mandac Diosca paipac shuti jatun cashcamantaca pai acllashcacunata mana chingachingachu. Mandac Diosca paipaclla cachunmi cancunataca acllarca.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.