NÚMEROS 14:11 - Dios Rimashcata Quillcashcami

¹¹ Chaipimi Mandac Diosca Moisestaca: —¿Maicamantac cai gentecunaca piñachishpa catigrin? Paicunapac ñaupallapitac ricuchinacunata ruhuashpa ricuchicucpipish, ¿manachu crincuna?

NÚMEROS 14:11 Referans Kwoze

SALMOS 106:24

Ashtahuanpish Dios cushami nishcata mana crishpami, sumac llactaman mana rishun nircacuna.

SALMOS 78:32

Tucui chaicunata ruhuacpipish, ashtahuan juchata ruhuashpami Dios sumaimanacunata ruhuashcatapish mana crircacuna.

SALMOS 78:22

Diosta mana crishcamanta, pai quishpichina cashcapi shunguta mana churashcamantami chashnaca piñarirca.

DEUTERONOMIO 1:32

Chashna cacpipish, cancunata mana Mandac Diospi shunguta churarcanguichicchu.

HEBREOS 3:8

shitashca pambapi Diosta caita chaita mañashpa, piñachishca shina ama shunguta sinchiyachichicchu.

SAN JUAN 12:37

Jesús tauca milagrocunata ruhuacucpipish, israelcunaca mana crircacunachu.

NÚMEROS 14:27

—¿Maicamantac cai millai israelcuna rimashcata uyacushalla? Ñucata israelcuna rimashcataca ñami uyarcani.

NÚMEROS 14:23

ñaupa taitacunaman ñuca cushami nishca allpataca pi mana ricungacunachu. Ñucata yangapi churaccunaca mana ricungachu.

HEBREOS 3:18

Shinallatac Diosca, ¿picunatatac “ñucahuan samaringapacca, manatac yaicungacunachu” nishpa ari nirca? Chai mana cazuccunatami chashna nirca.

HEBREOS 3:16

Dios ima nishcata uyashpapish, ¿paita mana cazuccunaca picunatac carca? Chaicunaca Egipto llactamanta Moisés llucchishca tucui israelcunami carca.

ÉXODO 16:28

Chaimantami Mandac Diosca: —¿Ima horascamantac ñuca mandashcacunata, nishcacunataca mana cazunguichic?

SAN JUAN 15:24

Pi mana ruhuaipaccunata paicunapac ñaupapi ñuca mana ruhuashca cacpica, paicunaca mana juchayucchu canman carca. Ashtahuanpish cunanca ñuca ruhuashcacunata ricushpapish ñucatapish, ñuca Taitatapish piñancuna.

SAN JUAN 10:38

Ñucaca ñuca Taita mandashcallatami ruhuani. Ñucata mana crishpapish, ñuca ruhuashcacunata crichicyari. Chashna crishpami, ñuca Taitaca ñucahuan, ñucaca paihuan cashcata alli yachanguichic— nirca.

MARCOS 9:19

Shina nicpimi Jesusca: —¡Aij, mana cric gentecunalla! Cancunahuanca, ¿maicamantac yachachishpa causacushalla? ¿Maicamantac llaquita apacushalla? Huambrata caiman apamuichic— nirca.

SAN MATEO 17:17

Chaimantami Jesusca: —¡Aij, mana cric millai gentecunalla! ¿Ima horacamantac cancunamanca yachachicushalla? ¿Maicamantac cancunahuanca llaquita apacushalla? Huambrata pushamuichic— nirca.

ZACARÍAS 8:14

Tucuita Mandac Diosca: Cancunapac ñaupa taitacuna ñucata yalli piñachicpi llaquichinata yuyarishca shinallatacmi cancunatapish llaquichisha. Chaitaca pactachishatacmi.

OSEAS 8:5

¡Samariapi tiyac ruhuashca beci diostaca mana ricusha ninichu! Chaimantami ñucaca chaipi causac cancunahuan yallita piñarini. ¿Ima horacamantac jucha illac tucunguichic?

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

PROVERBIOS 1:22

“Mana yachaccuna, ¿ima horascamantac chashna mana yachacushpa, causasha ninguichic? Burlaccuna ¿Ima horascamantac chashna burlashpa causasha ninguichic? Mana entendiccuna ¿ima horascamantac alli yachanata piñanguichic?

SALMOS 95:8

«Meriba pambapi ruhuashca shina, shitashca pamba Masapi ruhuashca punzhacuna shina ama cancunapish rumi shungu tucuichicchu.

ÉXODO 10:3

Chaimantami Moisespish, Aaronpish Faraonpacman rishpaca: —Mandac Diosca israelcunataca: “¿Maicamantac ñuca ñaupapi mana cumurishpa, jatun tucugringui? Ñuca acllashcacuna ñucata servingapac richun saqui, ama jarcaichu.

ÉXODO 32:9

Cai israelcuna sinchi shungu cashcatami yachani.

NÚMEROS 32:10

Chaimantami chai punzhapi Mandac Dios nina japiric shina piñarishpaca:

JEREMÍAS 13:10

Cai millai gentecunaca ñuca yachachishcata mana uyasha nincunachu. Paicunapac shungu munashcata ruhuashpami, shuctac dioscunata servishpa, paicunapac ñaupapi cungurishpa catin. Chaimantami chai ismushca chumbi shina, imapacpish mana vali tucunga.

EZEQUIEL 20:13

Ashtahuanpish israelcunaca shitashca pambapica ñucata mana cazushpami piñachirca. Ñuca mandashcacunatapish, ñuca imata ruhuachun nishcacunatapish yangapimi churarca. Chaicunata maijanpish pactachishpaca causangami. Samana punzhatapish yangapi churacpimi, ñucaca yallita piñarishpa, shitashca pambapi llaquichinata yuyarircani.

ÉXODO 23:21

Paita cazushpa, pai nishcata uyangui. Can mana cazucpica, paica mana perdonangachu. Ñucallatacmi paihuanca cani.