NÚMEROS 13:20 - Dios Rimashcata Quillcashcami

²⁰ chai allpaca grano pucuc cashcata, mana cashpaca mana pucuc cashcata, yuracuna tiyashcata, mana tiyac cashcata ricunguichic. Chai llactapi pucushcata mana manchashpa apamunguichiclla» nirca. Chai punzhacunaca punta pucushca uvasta pallana punzhacunami carca.

NÚMEROS 13:20 Referans Kwoze

DEUTERONOMIO 31:23

Mandac Dios Nunpac churi Josueta cachacushpaca: «¡Sinchicui, ama manchaichu! Canmi israelcunata ñaupashpa ñuca paicunaman cungapac ari nishca llactaman yaicungui. Ñucami canhuan casha» nirca.

EZEQUIEL 34:14

Alli quihuapimi michisha. Israelpi tiyac jatun urcu sumac quihuapimi puringa. Chaipimi sumac michina pambapi samaringa, sumac quihuatami micunga.

NEHEMÍAS 9:35

Paicuna mandacuc llactapi paicunaman achca allicunata, alli allpacunata cucpipish, cantaca mana servircacunachu. Mana allita ruhuanatapish mana saquircacunachu.

NEHEMÍAS 9:25

Muyundita pircashca pueblocunatapish, alli allpacunatapish, tucui allicunata huacaichishca, huasicunatapish japircacunami. Yacuta jundachina jutcucunatapish, uvas chagracunatapish, olivos yuracunatapish, pucuc yuracunatapish japircacunami. Can cuyashcamantami, sacsacta micushpa, huirayashpa can cuyashcamanta cushicushpa causarcacuna.

HEBREOS 13:6

Chaimantami tucui shunguhuan: «Mandac Diosca ñucata ayudacmi. Pipish ñucata imata ruhuanamantaca mana manchanichu» ni pudinchic.

MIQUEAS 7:1

¡Aij, ñucalla! ¡Cosechana punzhapi granota tandachishca, tucuita uvasta pallashca, shuc uvasllapish mana tiyac pambapi shinami cani! Micungapacca shuc racimollapish mana tiyanchu. Ñucaca punta pucushca granota tucui shunguhuan micunatami munani.

1 CRÓNICAS 22:11

Cunanca ñuca huahualla, Mandac Dios canhuan cachun. Imata can ruhuacpipish, allimi llucshinga. Shinallatac canta Mandac Diospac huasitaca Dios canta ima shina mandashca shinallatac shayachingui.

JOSUÉ 2:3

Chashna huillacpimi, Jericó llactata jatun mandacca Rahab huarmipacman huillacta cachashpaca: —Cambac huasiman shamushca runacunata llucchishpa cachai. Paicunaca tucui cai llactata ricungapacmi shamushca— nichun cacharca.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

JOSUÉ 1:6

Ama manchaichu, ashtahuanpish sinchi cai. Canmi ñaupa taitacunaman ñuca cungapac ari nishca allpataca cai tucui gentecunaman chaupishpa cungui.

DEUTERONOMIO 1:25

Cutishpaca, chai llactapi pucushca granocunatami ricuchingapac apamurca. Shinallatac paicunaca: “Ñucanchicta Mandac Dios ñucanchicman cushca llactaca sumac llactami” nishpami huillarca.

NÚMEROS 13:19

paicuna causacushca llactaca alli cashcata, mana alli cashcata, paicuna causacushca llactaca carpa huasicuna cashcata, mana cashpaca muyundita pircashca cashcata,

DEUTERONOMIO 1:24

Paicunaca urcuman huichai rishpa, Escol pugru pambaman chayashpami, chai allpacunata allita ricushpa purirca.

DANIEL 11:24

Chai sumac llactapi cushilla causacucpimi, cungailla yaicushpa, paipac taitacunapish, taitacuna mana ruhuashcata ruhuashpa llaquichinga. Chashnami chaipi imata quichushcacunatapish, ima sumaccunatapish paipac soldadocunaman chaupinga. Jatun torrecunapi macanacungapac yuyaringami. Shina cashpapish asha punzhacunallatami chashna canga.

JOSUÉ 2:1

Nunpac churi Josué ishcai runata Sitim pambamanta pacalla ricumuchun cachashpaca: «Chai llactatapish, Jericó pueblotapish imalaya cashcata allita ricumugrichic» nirca. Paicuna rishpaca, huainayashpalla causac Rahab huarmipac huasiman chayashpami, chaipi pacarirca.