NÚMEROS 11:17 - Dios Rimashcata Quillcashcami

¹⁷ Chaipimi ñuca jahuamanta shamushpa, canhuan parlasha. Canpi tiyac Espiritutami paicunaman cusha. Chashna ruhuacpimi, paicunapish canta ayudashpa, cai israelcunataca pushanga. Chaipica ña mana canllachu pushac cangui.

NÚMEROS 11:17 Referans Kwoze

1 SAMUEL 10:6

Shina tupashpaca Mandac Diospac Espíritu jatun poderhuan cambacman shamucpimi, canpish paicuna shinallatac huillangui. Shinallatac shuctac runami tucungui.

NÚMEROS 11:25

Chaipimi Mandac Diosca puyupi urai shamushpa, Moises-huan parlanacushpa, paipi tiyac Espirituta canchis chunga pushac yuyaccunapi churarca. Shina churacpica, Diosmanta huillarcami. Shina cashpapish mana ashtahuan huillashpa catircachu.

1 CORINTIOS 2:12

Ñucanchicca mana cai pacha espiritutachu chasquircanchic, ashtahuanpish Dios cushca Espiritutami, pai cuyashpa yachachishcacunata entendingapac chasquircanchic.

2 REYES 2:9

Ña pasashpaca, Eliasca Eliseotaca: —Cambac ladomanta ñucata manarac apacpi, canman imata ruhuachun ñucata mañailla— nirca. Shina nicpimi Eliseoca: —Cambac espirituta chaupihuan cuchun ninimi— nirca.

JOEL 2:28

Cai tucuita ruhuashca quipaca, ñuca Espiritutami tucui gentecunapacman cachasha. Shina cachacpimi, cancunapac churicunapish, ushicunapish ñucamanta huillanga. Cutin yuyaccunaca muscungami. Quipa huiñaicunaca muscuipi shina ricungami.

2 REYES 2:15

Jordán yacu chimbapi tiyac Jericó pueblopimi, Dios ima nishcata huillaccunapac churicunaca shayacurca. Chaipimi paicunaca: «¡Eliaspac espirituca Eliseopimi causacun!» nirca. Shina nishpami, Eliseopacman rishpa, pambacaman cumurircacuna.

ROMANOS 8:9

Cancunapica Diospac Espiritumi causacun. Chaimantami jucha munashca shina, mana causacunguichic, ashtahuanpish Diospac Espíritu yuyaita cushca shina causacunguichic. Cristopac Espirituta mana charicca, mana Cristopacchu.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

NEHEMÍAS 9:20

Cambac sumac Espirituhuanmi paicunata yachachircangui. Maná nishca micunapish mana illarcachu. Yacunayaihuan cacpipish, yacuta curcanguimi.

ÉXODO 18:22

Paicunami punzhanta ima mana alli tiyacpica allichinga. Ashtahuanpish jatun llaquicuna tiyacpimi, canman huillanga.

SAN JUDAS 1:19

Chaicunaca criccunata chicanyachiccunami. Cai pachapaclla ima tiyashcata yuyariccuna cashpami, Diospac Espiritutaca mana charincuna.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.

NÚMEROS 12:5

Paicuna chaipi cacpimi, Mandac Diosca suniclla puyupi shamushpa, paihuan tupana huasi yaicunapi shayarishpa, Aarontapish, Mariatapish cayarca. Chaipi ishcaita cuchuyacpimi,

ÉXODO 19:20

Mandac Diosca Sinaí urcu jahuaman shamushpami, Moisesta cayarca. Chashna cayacpimi, Moisesca chai urcu jahuaman huichai rirca.

GÉNESIS 11:5

Chaimantami Mandac Diosca runacuna ruhuacuc pueblotapish, jatun torretapish ricungapac urai shamurca.

SAN JUAN 7:39

Jesusca, paita criccuna Diospac Espirituta chasquina cashcamantami chashna nirca. Jesusta Dios manarac jahua pachaman pushacpimi, Diospac Espirituca manarac shamushca carca.

SAN JUAN 3:13

Jahua pachamanca pi mana rishcachu, ashtahuanpish Runa Tucungapac shamushca ñucallami jahua pachamanta shamurcani. Ñucami jahua pachapi causacca cani.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

NÚMEROS 27:18

Shina nicpimi, Mandac Diosca Moisestaca: —Nunpac churi Josuemi chaicunata ruhuangapac alli, paita acllashpa, uma jahuapi maquita churai.

NÚMEROS 12:8

Chaimantami paihuanca ñahui ñahui entendinallata rimani. Mana muscuipi shina ricurishpachu rimani. Paica ñucataca ñahui ñahuimi ricsin. Ñucata servic Moisesta juchanchishpa rimanataca, ¿ima nishpatac mana manchanguichic?» nirca.

ÉXODO 34:5

Moisés ña chaipi cacpimi, Mandac Diosca puyupi urai shamushpa, Moises-huan tuparca. Chaipica paillatacmi, Mandac Dios cashcata huillarca.

ÉXODO 19:11

Quimsa punzhacamanca allichirishca cachun mandangui. Chai punzhami Sinaí urcu jahuaman tucui israelcuna ricucucpi shamusha.

GÉNESIS 18:33

Mandac Dios Abrahamhuan parlanata tucuchishpaca, rircallami. Abrahampish pai causacushcamanmi cutirca.

GÉNESIS 17:22

Dios Abrahamhuan tucui parlanacushpaca, paipac ñaupamanta huichaiman rircallami.

GÉNESIS 17:3

Shina nicpimi, Abramca pambacaman cumurirca. Shina cumuricpimi, Diosca:

ÉXODO 18:18

Canpish, canhuan cac gentecunapish shaicunguichicmi. Cai ruhuanacunaca canmanca achca sinchimi. Chaimanta mana canlla ruhuai pudinguichu.

ISAÍAS 63:11

Shina cacpipish, ñaupa punzhacuna israelcunata Moisés llucchimushcatami yuyarirca. Chaimantami paicunaca: «¿Maipitac michic shina paipac ovejacunata mama cuchata pasachishpa, huichai pushamucca? ¿Maipitac paicunapac ñaupapi paipac jucha illac Espirituta churacca?

NÚMEROS 7:89

Dios-huan tupana huasipi paihuan parlangapac Moisés yaicucpica, Dios quillcachishcata huacaichina tapashca jahuapi ishcai alasyuccuna tiyacuc chaupimantami Mandac Diosca paihuan rimac carca.