NÚMEROS 11:1 - Dios Rimashcata Quillcashcami

¹ Shuc punzhami israelcunaca yarcaihuan cashpa, Mandac Diosta rimarirca. Chaita uyashpami Mandac Diosca nina japiric shina piñarishpa, israelcuna causana carpa huasi muyundita rupachirca.

NÚMEROS 11:1 Referans Kwoze

NÚMEROS 21:5

Mandac Diostapish, Moisestapish rimarishpaca: «¿Imapactac ñucanchicta Egiptomanta cai shitashca pambapi huañuchun llucchimurcanguichic? Caipica yacupish, micunapish mana tiyanchu. Cai micunataca ña mana micunayanchu» nirca.

2 REYES 1:12

Shina nicpimi Eliasca: —Ñuca Diospac runa cacpica, jahua pachamanta nina shamushpa cantapish, cambac pichca chunga soldadocunatapish rupachishpa tucuchichun— nirca. Shina nicpimi, jahua pachamanta nina shamushpa, paitapish, paipac pichca chunga soldadocunatapish rupachishpa tucuchirca.

NÚMEROS 16:35

Chai quipaca Mandac Diospac ñaupamanta nina llucshishpami inciensota rupachic ishcai patsac pichca chunga gentecunata tucui rupachirca.

DEUTERONOMIO 9:22

Tabera, Masá, shinallatac Quibrot-hataaval llactacunapipish yallitami Mandac Diostaca piñachircanguichic.

LEVÍTICO 10:2

Chaimantami Mandac Diospac ñaupamanta nina llucshishpa, paicunataca rupachirca. Chashnami Mandac Diospac ñaupallapitac huañurca.

ÉXODO 16:9

Chaimantami Moisesca Aarontaca: —Tucui tandanacushca israelcunataca: “Mandac Diospac cuchuman cuchuyaichic. Paica cancuna rimashcata uyashcami” ningui— nirca.

SAN JUDAS 1:16

Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.

1 CORINTIOS 10:10

Paicunapuramanta maijancuna shina, ama Diosta rimashpa piñachichicchu. Chashna piñachishcamantami, chai huañuchic ángel shamushpa huañuchirca.

ISAÍAS 30:33

Asiria llacta jatun mandacta llaquichingapacca utcamanta pachami Tofet jatun hornota huacaichishpa charicun. Chai jatun hornoca achca yantahuanmi rupacyachicun. Mandac Dios chai hornota pucucpica, azufre rupacuc shina culun ningami.

SALMOS 106:18

Paicuna tandanacushcapi nina japirishpami, Diosta mana manchaccunataca tucui rupachirca.

SALMOS 78:21

Shina nicta Mandac Dios uyashpami Jacobopac huahua huahuacunahuanpish, israelcunahuanpish nina japiric shina piñarirca.

JOB 1:16

Chaita huillacucllapitacmi shuc runa shamushpaca: —¡Jahua pachamanta Diospac nina shamushpami ovejacunatapish, michiccunatapish rupachishpa tucuchin! Chaita huillangapacmi ñucalla saquirircani— nirca.

2 SAMUEL 11:27

Ña duelo cana punzhacuna tucuricpimi, Davidca pai mandashpa causana huasiman pushamuchun cacharca. Shina pushamucpimi, chai huarmica shamushpa, Davidpac huarmi tucushpa, shuc cari huahuata charirca. Ashtahuanpish David chashna ruhuashcaca Mandac Diospac ñaupapica mana allichu carca.

DEUTERONOMIO 32:22

Nina japiric shinami, yallita piñarishca cani. Chashna piñarishpami ucu pacha seolcaman rupachinga. Cai allpataca chaipi pucushcandimi rupachinga. Urcucunatapish sapicamanmi rupachinga.

ÉXODO 16:7

Tutamantaca Mandac Diospac podertami ricunguichic. Mandac Diosca cancuna rimarishcataca uyashcami. Cancunaca ñucanchic pi cashcata mana yachashpami, chashna rimaricunguichic— nirca.

ISAÍAS 33:14

Sión llactapimi juchasapacunaca chucchuncuna. Chashna chucchushpaca: «Ñucanchicpuramantaca, ¿pitac tucuchic ninapi causai pudingayari? Ñucanchicpuramantaca, ¿pitac huiñai huiñaita rupacuc ninapica causai pudingayari?» ninacun.

NÚMEROS 10:33

Mandac Diospac urcumanta israelcuna rishpaca, quimsa punzhatami purirca. Mandac Dios-huan ari nishca quillcata huacaichina Arcahuanca ñaupashpami quimsa punzhata maipi samarinata mashcashpa purirca.

GÉNESIS 38:10

Onán chashna ruhuashcaca Mandac Diosmanca mana allichu carca. Chaimantami Onanpac causaitapish quichurca.

SANTIAGO 5:4

Cancunapac allpapi granota tandaccunamanca mana pagashcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Diosca uyashcami.

HEBREOS 12:29

Chaica, ñucanchic Diosca tucuita rupachic nina llama shinami.

NAHÚM 1:5

Paipac ñaupapica, urcucunapish chucchunmi, lomacunapish yacuyanmi. Allpapish, cai pachapish, tucui chaipi causaccunapish cuyurinmi.

LAMENTACIONES 3:39

Juchamanta llaquichishca runaca, ¿imamantatac llaquirin?

DEUTERONOMIO 25:18

Paicunaca Diosta mana manchashpami, cancuna shaicushca cacpica, huashata shamushpa llaquichirca. Ashtahuancarin shaicushca quipayashcacunatami chashna llaquichirca.

NÚMEROS 11:18

Israelcunataca: “Cayapac Diospaclla tucuichic. Cayaca aichatami micunguichic. Cancunaca: ‘Egiptopica allimi causarcanchic. Caipica, ¿pitac aichata carangayari?’ nishpami, Mandac Dios uyacta huacacurcanguichic. Chaimantami Mandac Diosca cancunaman aichata caragrin.

NÚMEROS 14:2

Israelcuna Moisestapish, Aarontapish rimashpaca: «¡Egipto llactallapitac huañushca cashpachari alli canchicman carca! ¡Mana cashpaca cai shitashca pambapi huañushpachari alli canchicman!

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

NÚMEROS 14:27

—¿Maicamantac cai millai israelcuna rimashcata uyacushalla? Ñucata israelcuna rimashcataca ñami uyarcani.

NÚMEROS 14:28

Chaimanta paicunataca: “Mandac Dios ñucaca: ‘Ñuca shutipimi nini: Israelcuna rimashcata ñuca ringri uyashca shinami paicunataca ruhuagrini.

NÚMEROS 16:11

Canpish, canta caticcunapish mana Aarontachu llaquichishcanguichic, ashtahuanpish Mandac Diostami llaquichishcanguichic. ¿Aaronca pitac canyari?— nirca.

NÚMEROS 17:5

Ñuca acllashca runapac taunaca pangashpa sisangami. Shina tucucpica, israelcunaca mana ashtahuan cancunataca ñucapac ñaupapi juchanchishpa rimangachu» nirca.

SALMOS 78:63

Mosocunataca ninahuanmi tucuchirca. Chaimantami carihuan manarac chayarishca solteracunaman cazarai cantoca mana tiyarca.

ISAÍAS 10:17

Israelcunapac luzca ninami tucunga. Jucha illac Diosca rupacuc ninami tucunga. Chashnami shuc punzhallapi cardoscunata, cashacunata rupachic shina tucuchinga.

EZEQUIEL 20:36

Ima shinami Egipto llactapi tiyac shitashca pambapi cancunapac taitacunata taripashpa llaquichircani, chashnallatacmi cancunatapish taripashpa llaquichisha. Chaitaca Mandac Dios ñucami nini.

HABACUC 3:5

Paipac ñaupataca huañuchic ungüimi rin. Paipac chaquimantaca rupacuc ninami llucshin.

NÚMEROS 12:2

Paicunaca: «¿Mandac Diosca Moisesllahuanchu rimarca? ¿Manachu ñucanchic-huanpish rimarca?» nirca. Chaitaca Mandac Diosca uyarcami.