NÚMEROS 10:35 - Dios Rimashcata Quillcashcami

³⁵ Arcata apashpa, puri callaricpica Moisesca: «¡Mandac Dioslla jatariyari! Canta mana ricunayachiccunata caita chaita cachaiyari. Canta piñaccunataca cambac ñaupamanta callpachiyari» nircami.

NÚMEROS 10:35 Referans Kwoze

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

SALMOS 132:8

Mandac Dioslla, poderyuc Arcandi can samarina pushtuman shamuiyari.

DEUTERONOMIO 32:41

Ñucapac jagan nicuc espadata mulashpa ñuca maquihuan alzashpa cashcata ruhuacushpami ñucata piñaccunataca paicuna llaquichishca shina llaquichisha.

DEUTERONOMIO 7:10

Shina cashpapish, paita piñaccunataca mana unayashpa llaquichicmi. Paita llaquichiccunataca paicuna llaquichishca shinallatacmi llaquichin.

1 SAMUEL 4:3

Carpa huasicunaman israelcuna cutimucpimi, israelcunata pushac yuyaccunaca: —¿Cunanca, ima nishpatac Mandac Diosca filisteocuna mishachun saquinyari? Cunanca Dios ari nishca quillcata huacaichina Arcata Silo pueblomanta apamugrishunchic. Shina apamucpimi, paica ñucanchic chaupipi causashpa ñucanchicta piñaccunapac maquimanta quishpichinga— nirca.

SALMOS 9:19

¡Mandac Dioslla shayariyari! ¡Runacuna jatun tucushpa causachunca ama saquichu! Llactacunapi causaccuna ima ruhuashcataca cambac ñaupapi ricuchiyari.

SALMOS 94:16

Millaita ruhuaccunahuan shayaringapacca ¿pitac ñucataca ayudangayari? Mana allita ruhuaccunahuan shayaringapacca ¿pitac ñuca parte tucungayari?

SALMOS 3:8

Can Mandac Diosmi quishpichic cangui. ¡Can acllashcacunata bendiciaiyari!