NÚMEROS 1:46 - Dios Rimashcata Quillcashcami

⁴⁶ Tucui yupashcaca sucta patsac quimsa huaranga pichca patsac pichca chungami carca.

NÚMEROS 1:46 Referans Kwoze

NÚMEROS 26:51

Tucui israelcunata yupacpica, sucta patsac shuc huaranga canchis patsac quimsa chungami carca.

ÉXODO 38:26

Ishcai chunga huatamanta callarishpa, paicunapac shuticunata quillcashcaca sucta patsac quimsa huaranga pichca patsac pichca chunga gentemi carca. Tucui paicunami carpa huasipi pezashca shinallatac pichca gramo chaupi cullquita curca.

ÉXODO 12:37

Israelcunaca Ramesesmantaca Sucotmanmi llucshirca. Paicunapac huahuacunata mana yupashpa, chaquillahuan riccunallami sucta patsac huaranga carca.

NÚMEROS 2:32

Huasi ucupurata catishpa, tucui israelcunata yupashcaca sucta patsac quimsa chunga huaranga pichca patsac pichca chunga soldadomi carca.

2 CRÓNICAS 13:3

Abiasca chuscu patsac huaranga acllashca sinchi soldadocunata tandachishpami macanacungapac allichirirca. Shinallatac Jeroboampish pusac patsac huaranga acllashca macanacunata alli yachac sinchi soldadocunata tandachishpami, Abias-huan macanacungapac allichirirca.

1 CRÓNICAS 21:5

Tucui Israel llactapi espadahuan macanacuccunaca shuc junu patsac huaranga runacunami tiyashca carca. Judá llactapi espadahuan macanacuccunaca chuscu patsac canchis chunga huaranga runacunami tiyashca carca.

1 REYES 4:20

Judá llactapi, Israel llactapi, causaccunaca mama cucha yacu patapi tiyac tio shina achcami carca. Paicunaca tucuimi micushpa, ubiashpa, cushicushpa causarcacuna.

2 SAMUEL 24:9

Chashna cutishpami Joabca mashna yupashcata jatun mandacman curca. Chaipica espadahuan cac israelcunapac soldadocunaca pusac patsac huaranga, Judá gentecunapacca pichca patsac huaranga runacunami carca.

DEUTERONOMIO 10:22

Cancunapac taitacunaca canchis chunga gentehuanmi Egiptoman rirca. Cunanca, Mandac Diosca jahua pachapi tiyac lucerocunata shinami achcata mirachishca.

NÚMEROS 23:10

Jacobomanta mirarishca tiyu shina achca israelcunataca, ¿pitac yachangayari? Chuscupi chaupishcatapish, ¿pitac yupai pudingayari? ¡Ñucaca cashcata ruhuac shina, huañushpachari alli caiman! ¡Paicuna shina tucurishpachari alli caiman!» nirca.

GÉNESIS 28:14

Cambac huahua huahuacunaca ñuto allpa shinami, achcata miraringa. Jahuamanpish, uramanpish, inti llucshina ladomanpish inti tigrana ladomanpish rishpami, mirarishpa causangacuna. Canmantapish, cambac huahua huahuacunamantapishmi tucui cai pachapi causaccunata bendiciasha.

GÉNESIS 26:3

Chaipi causacpimi, ñucaca canhuan casha. Tucui chai allpata canmanpish, cambac huahua huahuacunamanpish cushpami bendiciasha. Chashnami, cambac taita Abrahamman cusha nishcataca pactachisha.

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

GÉNESIS 17:6

Canmantaca achcatami mirachisha. Canmantami jatun llactacunatapish ruhuasha, jatun mandaccunapish canmantami llucshinga.

GÉNESIS 15:5

Shina nishpa, Mandac Dios Abramta canzhaman pushashpa, jahua pachata ricuchishpaca: —Lucerocunata yupanata pudishpaca yupai. Chashnami cambac huahua huahuacunaca canga— nirca.

GÉNESIS 13:16

Cambac huahuacunataca ñuto allpata shinami, achcata mirachisha. Ñuto allpata maijan yupai pudishpaca, cambac huahua huahuacunatapish yupangami.

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

NÚMEROS 1:45

Chashnami tucui israelcunataca huasi ucupurata catishpa, ishcai chunga huatayucmanta callarishpa, macanacuiman ripac caricunata yuparca.

NÚMEROS 14:29

Cancunapuramanta ishcai chunga huatayucmanta huichaiman yupashpa quillcashca cai shitashca pambapimi ñucata piñachishcamantaca huañuchigrini. Cai pambapimi paicunapac cuerpoca shitashca saquiringa.

NÚMEROS 11:21

Shina nicpimi Moisesca: —Ñucahuan chaquillahuan shamuc israelcunaca sucta patsac huarangami. ¿Chai tucui cashca jahuachu canca quillacamanmi aichata caragringui?