NÚMEROS 1:20 - Dios Rimashcata Quillcashcami

²⁰ Taita Israelmanta mirarishca punta churi Rubenpac ailluta, huasi ucupurata catishpaca, ishcai chunga huatayucmanta callarishpa, macanacuiman ripac caricunatami yuparca.

NÚMEROS 1:20 Referans Kwoze

1 CRÓNICAS 5:1

Rubenca Israelpac punta churimi carca. Shina cashpapish, paipac taitapac camallapitac mana allita ruhuashcamantami punta churi japinataca paiman mana cushpa, Josepac churicunaman curca. Chaimantami paica mana punta churi nishca carca.

GÉNESIS 46:9

Rubenpac churicunaca: Hanoc, Falú, Hezrón shinallatac Carmimi carca.

GÉNESIS 29:32

Leaca huicsayuc tucushpami, shuc cari huahuata charirca. Chaimantami Leaca: «Mandac Diosca ñuca llaquilla cactami ricushca, chaimantami ñuca cusaca cuyanga» nishpami Rubenta shutichirca.

NÚMEROS 1:21

Rubenpac aillumantaca chuscu chunga sucta huaranga pichca patsactami yuparca.

GÉNESIS 35:23

Leapac punta huahuaca Rubenmi carca. Quipa huahuacunaca: Simeón, Leví, Judá, Isacar shinallatac Zabulonmi carca.