NEHEMÍAS 9:6 - Dios Rimashcata Quillcashcami

⁶ Chaipi tucui gente mañashpaca: «Canllami Mandac Dios cangui. Canmi jahua pachatapish, ashtahuan jahua pachatapish, chaipi ima tiyaccunatapish, allpatapish, mama cuchatapish, chaipi ima tiyaccunatapish, ruhuashcangui. Tucuiman causaita cushcamantami, jahua pachapi causac angelcunaca, cantaca allimari cangui nincuna.

NEHEMÍAS 9:6 Referans Kwoze

ISAÍAS 37:16

«Israelcunapac tucuita Mandac Dioslla, canca querubincunapac chaupipimi causangui. Canllami tucui cai pachata mandaccunapac Mandac Dios cangui. Jahua pachatapish, cai pachatapish canmi ruhuarcangui.

GÉNESIS 1:1

Imapish manarac tiyacpimi, Diosca jahua pachatapish, cai pachatapish ruhuarca.

APOCALIPSIS 4:11

«¡Ñucanchicta Mandac Dioslla, canca sumacmari cangui, allimari cangui, imatapish ruhuacmi cangui! Tucui ima tiyacpish cambac munaimantami ruhuarishca. Canmantami imapish tiyan. Shina cashcamanta cantaca alli ninatacmi canchic» nishpami, alli nicurcacuna.

DEUTERONOMIO 10:14

Riquichic, jahua pachapish, ashtahuan jahuaman cac pachapish, cai pachapish, chaipi tucui tiyaccunapish Mandac Diospacmi can.

DEUTERONOMIO 6:4

Israelcunalla uyaichicyari. Ñucanchicta Mandac Diosca shucllami.

ISAÍAS 44:8

Ama manchaihuan chucchuichicchu. ¿Manachu utcapi cancunaman huillashpa uyachircani? Chaitaca cancunallatacmi yachanguichic. ¿Ñucamanta shuctac Diosca tiyanchu? Mana, mana ñuca shina jatun poderta charic Diosca tiyanchu. Mana ricsinichu” ninimi» nirca.

ISAÍAS 44:6

Israelcunata jatun mandac, quishpichic, tucuita Mandac Diosca: “Ñucami callaripish, tucuripish cani. Ñucamanta shuctac Diosca mana tiyanchu.

2 REYES 19:15

Chaimanta Ezequías Mandac Diospac ñaupapi mañashpaca: «Israelcunata Mandac Dioslla, querubincunapac chaupipimi causacungui. Canllami cai pachapi tiyac tucui jatun mandaccunapac Dios cangui. Canllatacmi jahua pachatapish, cai pachatapish ruhuarcangui.

GÉNESIS 2:1

Diosca jahua pachatapish, cai pachatapish, chaipi tucui imalla tiyashcatapish ruhuanataca tucuchircami.

ISAÍAS 43:10

Cancunami ima tucushcata huillaccuna canguichic. Ñucata servic, ñuca acllashcacunami canguichic. Chaica, cancuna ñucata ricsishpa crichun, ñuca pi cashcata yachachunmi acllarcani. Ñucapac puntaca pi dios mana tiyarcachu, quipapish mana tiyangachu.

APOCALIPSIS 14:7

Pai huillashpaca: «¡Dios taripana punzhaca ñami pactamushca! Shina cashcamanta Diosta manchaichic, shinallatac paita alabaichic. ¡Cai pachatapish, jahua pachatapish, mama cucha yacutapish, shinallatac tucyacuc yacutapish ruhuacta alli nichic!» nirca.

SALMOS 36:6

Cashcata can ruhuashcapish cambaclla jatun urcucuna shinami. Can mandashcacunaca jatun mama cucha yacu shinami. Mandac Dioslla, gentecunatapish animalcunatapish cambac maquipi charingui.

1 REYES 8:27

Ashtahuanpish, ¿Diosca cai pachapica causangachu imashi? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. Ñuca shayachishca cai huasicarin, ¡Maitatac pactangayari!

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

HEBREOS 1:6

Shinallatac Dios paipac shuclla Churita cai pachaman cachacushpaca: “Tucui ñuca angelcuna paita alli ninguichic” ninmi.

ISAÍAS 37:20

Mandac Dioslla, cunanca tucui cai pacha jatun mandaccuna canlla Mandac Dios cashcata yachachun, ñucanchicta paicunapac maquimanta quishpichiyari» nirca.

SALMOS 86:10

Canca sumaimanacunata ruhuac jatun Diosmi cangui. ¡Canllami Diosca cangui!

2 REYES 19:19

Cunanca Mandac Dioslla, cai pacha llactacunata jatun mandaccuna canlla Dios cashcata yachachun ñucanchicta chai jatun mandaccunapac maquimanta quishpichiyari» nishpami mañarca.

EZEQUIEL 20:11

Chaipimi paicunaman ñuca rimashcacunatapish, mandashcacunatapish ricsichircani. Chaicunata pactachishpaca causangami.

SALMOS 146:6

Diosca jahua pachatapish, cai pachatapish, mama cuchatapish, chaicunapi tucui tiyaccunatapish ruhuacmi. Paica huiñaita cashcata nicmi.

SALMOS 103:21

¡Mandac Diostaca jahua pachapi tucui causaccuna alli nichicyari! Cancunaca pai munashcata ruhuac mandaccunami canguichic.

SALMOS 33:6

Mandac Diosca rimashcallahuanmi jahua pachataca ruhuarca. Chaipi imalla tiyactapish, paipac samaihuanmi ruhuarca.

1 REYES 22:19

Chai quipami Micaiasca: —Mandac Dios ima nishcata uyai. “Ñucaca Mandac Diostaca pai tiyarinapi tiyacuctami ricurcani. Paipac ladopica jahua pacha angelcunami paipac alli ladomanpish, lluqui ladomanpish shayacurca.

SAN JUAN 10:30

Ñuca Taitahuanca shuc shinallami canchic— nirca.

GÉNESIS 32:2

Chaita ricushpami Jacoboca: —¡Caica Diospac campamentomi!— nirca. Chaimantami chai pambataca Mahanaimta shutichirca.

HECHOS 4:24

Chashna parlacpi, tucui criccuna shuc yuyailla Diosta mañashpaca: «Mandac Dioslla, canmi jahua pachatapish, cai pachatapish, mama cuchatapish, chaicunapi tucui ima tiyactapish ruhuarcangui.

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

SALMOS 24:10

¿Pitac achic nicuc Jatun Mandacca? ¡Paica tucuita ruhuac Mandac Diosmi! ¡Paica achic nicuc Mandac Diosmi!

SALMOS 102:25

Imapish manarac tiyacpimi, cai pachataca ruhuarcangui. Jahua pachaca cambac maquihuan ruhuashcami can.

SALMOS 115:15

Cancunataca jahua pachata cai pachata ruhuac Mandac Dios bendiciachun.

ISAÍAS 45:12

Ñucaca cai pachata ruhuashpami chaipica runata causachun churarcani. Ñuca maquihuan jahua pachata ruhuashpami, chaipi lucerocuna tiyachunpish mandarcani.

JONÁS 1:9

Shina nicpimi Jonasca: —Ñucaca hebreopurami cani. Mama cuchatapish, cai pachatapish ruhuac, jahua pacha Mandac Diosta cazucmi causani— nirca.

GÉNESIS 1:9

Shinallatac Diosca: «Chaquishca allpa tiyachun, cai pacha yacuca shucllaman tandarichun» nirca. Shina nicpica, chashnatacmi saquirirca.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

SALMOS 124:8

Ñucanchicta ayudacca jahua pachatapish, cai pachatapish ruhuac Mandac Diospac shutipimi can.

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.