NEHEMÍAS 9:5 - Dios Rimashcata Quillcashcami

⁵ Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

NEHEMÍAS 9:5 Referans Kwoze

1 PEDRO 1:3

¡Ñucanchic Apunchic Jesucristopac Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana cuyaimanta Jesucristota causachishpa, ñucanchictaca cutin huacharishca shinata ruhuarca.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

ESDRAS 3:11

Mandac Diosta pagui nishpa, alli nishpa cantashpaca: «¡Paica allimari, israelcunataca huiñaitami llaquicun!» nircacuna. Mandac Diospac huasi callari rumita churai callarishcamantami tucui gentecuna yallita cushicushpa, caparishpa Mandac Diosta alli nircacuna.

1 CRÓNICAS 29:13

Chaimantami ñucanchic Dioslla, cambac sumaimana shutitaca alli ninchic.

SALMOS 146:2

Ñuca causaipica Mandac Diostami alabasha. Ñuca causashcacamanca salmocunahuanmi Diostaca cantasha.

SALMOS 145:5

Achic nicuc sumaimana jatun Dios can sumaimana ruhuashcacunata huillacpica, chai sumaimanacunatami yuyaricushalla.

SALMOS 145:2

Punzhantami alli nisha. Cambac shutitaca huiñaitami alabasha.

SALMOS 134:1

Riqui, Mandac Diostaca alli nichicyari. Tucui paita serviccunapish, paipac huasita tuta cuidaccunapish alli nichicyari.

SALMOS 106:2

¿Pitac Mandac Dios sumaimanacunata ruhuashcataca huillai pudingayari? ¿Pitac paita tucui alabanacunataca uyachingayari?

SALMOS 16:2

Ñuca almalla Mandac Diostaca: «¡Canmi ñucata mandac cangui! Ñucapacca canmanta ashtahuan shucca pipish mana tiyanchu.

2 CRÓNICAS 20:19

Chai quipaca Corepac huahua huahuapuramanta, Cotpac huahua huahuapuramanta levitacunami israelcunata Mandac Diostaca sinchita caparishpa alli ningapac shayarircacuna.

2 CRÓNICAS 20:13

Tucui Judá llactapi causaccunami uchilla huahuacunandi, huarmicunandi, churicunandi Mandac Diospac ñaupapi shayacurca.

1 CRÓNICAS 29:20

Chashna nishca quipami tucui chaipi tandanacushcacunataca: «¡Cancunata Mandac Diosta allimari cangui nichicyari!» nirca. Shina nicpimi, tucui tandanacushcacunaca paicunapac ñaupa taitacunata Mandac Diosta alli nircacuna. Chai quipami Mandac Diospac ñaupapi, jatun mandac Davidpac ñaupapipish cungurishpa cumurircacuna.

1 CRÓNICAS 29:11

Mandac Dioslla, jatun canapish, tucuita ruhuanapi sumaimana canapish, tucui mandanapish, tucuipac alli nishca canapish cambacmi. Jahua pachapi ima tiyashcapish, cai pachapi ima tiyashcapish cambacmi. Mandac Dioslla, tucuita mandanapish cambacmi. Tucuita yallimi cangui.

1 REYES 8:27

Ashtahuanpish, ¿Diosca cai pachapica causangachu imashi? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. Ñuca shayachishca cai huasicarin, ¡Maitatac pactangayari!

1 REYES 8:22

Shina nishca quipami Salomonca Mandac Diospac altar ñaupapi shayarishpa, tucui tandanacushca israelcuna ñaupapi jahuaman maquita chutashpaca:

1 REYES 8:14

Jatun mandac Salomón cutimushpami, tucui tandanacushca israelcunata bendiciarca. Tandanacushca israelcunaca tucuimi shayacurcacuna.

DEUTERONOMIO 28:58

Cai quillcashca mandashcacunapi tucui nicushcata cungarishpa, Mandac Diospac sumaimana manchana shutita mana cazucpica,

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

ÉXODO 15:6

Mandac Dioslla, cambac alli maquica jatun poderyuc sinchi maquimi. Mandac Dioslla, cambac maquihuanmi piñaccunataca tucuchircangui.

1 REYES 8:15

Shina shayacucpi paica: «Israelcunata Mandac Diosca alli nishca cachun. Ñuca taita Davidman pai ima nishcataca paipac maquihuan ruhuashpami pactachishca. Paica:

NEHEMÍAS 9:4

Chai quipami levitapuramanta Jesúa, Bani, Cadmiel, Sebanías, Buni, Serebías, Bani, Quenanica jatun miza jahuapi shayarishpa, paicunata Mandac Diosta caparishpa mañarcacuna.

NEHEMÍAS 9:6

Chaipi tucui gente mañashpaca: «Canllami Mandac Dios cangui. Canmi jahua pachatapish, ashtahuan jahua pachatapish, chaipi ima tiyaccunatapish, allpatapish, mama cuchatapish, chaipi ima tiyaccunatapish, ruhuashcangui. Tucuiman causaita cushcamantami, jahua pachapi causac angelcunaca, cantaca allimari cangui nincuna.

JUECES 13:18

Shina nicpimi, Mandac Diospac angelca: —¿Imapactac ñuca shutitaca tapungui? Ñuca shutica sumaimana shutimi— nirca.

1 CRÓNICAS 16:36

¡Israelcunata Mandac Diosca, huiñaita alli nishca cachun!» nirca. Shina nicpimi, tucui gentecunaca: «¡Chashna cachun!» nishpa Mandac Diostaca alli nircacuna.

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

SALMOS 66:2

Paipac sumaimana shutita cantaichic. Paitaca sumac tonohuan alli nichic.

SALMOS 99:3

Manchana paipac jatun shutitaca alabaichicyari. ¡Paica jucha illacmi!

DANIEL 2:20

«¡Huiñaimanta huiñaicaman Diospac shutica alli nishca cachun!