NEHEMÍAS 9:27 - Dios Rimashcata Quillcashcami

²⁷ Chaimantami paicunataca, piñaccunapac maquipi churarcangui, chaipica llaquichircacunami. Shina llaquita apacushpami, cantaca caparishpa mañarcacuna. Canca jahua pachamantami uyarcangui, yallita llaquic cashcamantami, piñaccunapac maquimanta quishpichingapac, cacharichiccunata cacharcangui.

NEHEMÍAS 9:27 Referans Kwoze

2 REYES 14:27

Mandac Diosca israelcunapac shutitaca cai pachamanta mana anchuchisha nircachu. Chaimantami Joaspac churi Jeroboampac maquihuan quishpichirca.

2 REYES 13:5

Chaimantami Mandac Diosca israelcunapacman shuc quishpichicta cacharca. Pai siriocunapac maquimanta quishpichicpimi, israelcunaca puntaman causashca shina paicunapac carpacunapi causarca.

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

JUECES 2:18

Juezcunata churashpaca Mandac Diosca paicunahuanmi carca. Chaimantami tucui juezcuna causacui punzhapica paicunata piñaccunapac maquimanta quishpichirca. Mandac Diosca paicunata llaquichicpi, cuyaillata huacacpimi, israelcunataca quishpichirca.

ABDÍAS 1:21

Esaupac urcupi quishpirishca runacunaca mandangapacmi Sión urcuman huichai ringa. ¡Chashnami mandanaca Mandac Diospaclla canga!

NEHEMÍAS 9:19

Canca yalli cuyac cashpami, shitashca pambapi mana saquircangui. Punzhapi paicunata pushac suni puyupish, tutapi paicunata pushac, suni ninapish mana anchurircachu.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

2 REYES 17:20

Chaimantami Mandac Diosca israelcunapac tucui huahua huahuacunataca saquirca. Paipac ñaupamanta anchuchingacamanmi shuhuashpa causaccunapac maquipi churashpa llaquichirca.

2 REYES 17:39

Ashtahuanpish cancunata Mandac Dios ñucallatami manchana canguichic. Ñucami cancunata piñaccunapac maquimanta cacharichisha» nirca.

SALMOS 136:24

Ñucanchicta piñaccunapac maquimanta quishpichic Diosta alabaichicyari. ¡Paica huiñaita llaquicmi!