NEHEMÍAS 8:17 - Dios Rimashcata Quillcashcami

¹⁷ Tucui prezumanta cutimushcacunami chucllacunata ruhuashpa, chai chucllapi causarcacuna. Israelcunaca Nunpac churi Josué causacui punzhamanta pachami cashna chucllacunata mana ruhuashca carca. Caita ruhuashcamantaca yallitami cushicurcacuna.

NEHEMÍAS 8:17 Referans Kwoze

2 CRÓNICAS 8:13

Moisés mandashca shinami imata cuna cashpapish, chai punzha cuchunmi chashna ruhuarca. Samana punzhacunapi, llullu quilla punzhacunapi, jatun fiesta punzhacunapimi huatapi quimsa cutin rupachina carca. Cai fiestacunaca levadura illac tandata micuna punzhacuna, semana fiestacuna, chucllacunata ruhuana fiesta punzhacunami carca.

ESDRAS 3:4

Mandashpa quillcashcapi nishca shinallatacmi chucllacunata ruhuashpa, jatun fiestata ruhuarcacuna. Ima shina mandashca shinallatacmi animalcunata cada punzhapi mashnata cuna cashca shinallatac punzhanta Diosman cushpa tucui rupachirca. Ima ruhuana cacpipish, chai punzhallatacmi ruhuarcacuna.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Paicunaca crishcamantami, carullamanta alabaduc shina, shuctac llacta gentecuna shina, cai pachapi puriccuna shina cashcatapish paicunallatac huillarcacuna.

HEBREOS 11:9

Pai crishcamantami, Dios cushca shucpac llactapi pozashpa causarca. Paica Dios cushami nishcataca chasquic Isaac, Jacobo shinami carpa huasicunapi causarca.

HEBREOS 4:8

Israelcunaman samarinata Josué cushca cacpica, mana Diosca, cutin samarina punzhata cunmanchu carca.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

2 CRÓNICAS 35:18

Israel llactapica cai shina Pascua punzhapi micuitaca Dios ima nishcata huillac Samuel huañushcamanta pachami mana ruhuarishca carca. Israel llactata maijan jatun mandacpish chai Pascua punzhataca jatun mandac Josías ruhuashca shinaca pipish mana ruhuarcachu. Paica curacunata, levitacunata, tucui Judá llactapi, Israel llactapi, Jerusalenpi causaccunata tandachishpami chashna ruhuarca.

2 CRÓNICAS 30:26

Chashnami Jerusalenpica yallita cushicurcacuna. Israel llactata jatun mandac Davidpac churi Salomón mandacui punzhamanta pachami Jerusalenpica chashna fiestaca mana tiyarca.

1 CRÓNICAS 29:22

Chai punzhapica Mandac Diospac ñaupapi micushpa, ubiashpami yallita cushicurcacuna. Chai quipami Davidpac churi Salomontaca israelcunata jatun mandac cachun cutin aceitehuan cahuircacuna. Sadoctaca Mandac Diospac cura cachunmi aceitehuan cahuircacuna.

JOSUÉ 1:1

Moisés huañucpi, Mandac Dios Moisesta ayudac Nunpac churi Josueta cayashpaca:

DEUTERONOMIO 16:15

Mandac Dios acllashca pushtupi Mandac Diosman canchis punzhacaman fiestata ruhuanguichic. Mandac Diosca tucui cancunapac granota, tucui cancunapac maquihuan ruhuashcatami bendiciashca. Chaimanta yallitami cushicunguichic.