NEHEMÍAS 8:15 - Dios Rimashcata Quillcashcami

¹⁵ Chaimantami tucui pueblocunapi, Jerusalenpi causaccunaman huillachun cacharca. Chashna cachashpaca: «¡Chucllacunata ruhuangapac urcuman llucshishpa, olivos ramacunata, sacha olivos ramacunata, arrayán ramacunata, palmera ramacunata, panga jundashca yuracunamanta ramacunata apamuichic!» nishpami mandashcapi nishca shina cacharca.

NEHEMÍAS 8:15 Referans Kwoze

LEVÍTICO 23:40

Chai callari punzhapica tucuimanta yalli alli yuracuna pucushca granotapish, palmera ramacunatapish, pangasapa ramacunatapish, yacu cuchupi tiyac sauce ramacunatapish japishpami, canchis punzhata Mandac Dios ñucapac ñaupapi cushicuna canguichic.

DEUTERONOMIO 16:16

Cancunapac llactapi causac tucui caricunami huatapi quimsa cutin Mandac Dios acllashca pushtuman, paipac ñaupaman rina can. Chai fiestacunaca: levadura illac tandata micuna fiesta, pentecostés fiesta, chucllacunata ruhuana fiestami can. Chai fiestacunamanca pipish mana chushacllachu shamuna can.

LEVÍTICO 23:4

Mandac Dios ñucata alli nina, ñucapaclla fiestacunaca caicunami. Chaiman tandanacuchunmi huillana canguichic.

APOCALIPSIS 7:9

Chai quipaca mana yupaipac tucuilaya gentecuna tucui llactacunamanta, tucui aillucunamanta, tucuilaya rimaita rimac gentecunatami ricurcani. Paicunaca mandashpa tiyarinapac ñaupapi, Pactalla Ovejapac ñaupapi yuranlla churanata churarishca, maquipica ramoscunahuan shayacuctami ricurcani.

SAN JUAN 12:13

ramacunata pitishpa tupangapac llucshirca. Chashna llucshishpaca: —¡Quishpichicca alli nishca cachun! ¡Mandac Diospac shutipi shamuc, israelcunata Jatun Mandacca tucuipac alli nishca cachun!— nishpami caparirca.

SAN MATEO 21:1

Jerusalén puebloman chayamucushpaca, Olivos urcu ladopi cac Betfagé uchilla pueblo chimba ladomanmi chayarca. Chaiman chayashpa, ishcai yachacuccunata Jesús cachashpaca:

GÉNESIS 8:11

Amsayagricucpimi, palomaca picopi shuc uchilla olivos ramata apashca chayamurca. Chaita ricushpami, Noeca yacu chaquishpa caticushcata yachac chayarca.

ZACARÍAS 1:8

Tutami shuc runa puca caballopi montashca pugru pambapi tiyac arrayán yuracuna chaupipi shayacucta ricurcani. Chai montashcapac huashapica puca, bayu, yurac caballocunami shayacurca.