NEHEMÍAS 8:1 - Dios Rimashcata Quillcashcami

¹ Shina cacpimi tucui gentecunaca yacuman llucshina pungu chimba lado plazapi shuc yuyailla tandanacurca. Chaipimi quillcac Esdrastaca Mandac Dios israelcunaman cuchun Moisesman cushca quillcashcata apamui nircacuna.

NEHEMÍAS 8:1 Referans Kwoze

ESDRAS 7:6

Esdrasca israelcunata Mandac Dios Moisesman cushca mandashcata allita yachacmi carca. Jatun mandac Artajerjesca Esdras Mandac Diospac poderhuan cacpimi, pai ima mañashcata cuc carca.

NEHEMÍAS 3:26

Ofel pueblopi causac Diospac huasipi serviccunami inti llucshina ladoman tiyac yacuman llucshingacaman allichirca. Shinallatac huichaiman llucshina jatun torretapish allichirca.

2 CRÓNICAS 34:15

Chai librota tarishpami, Hilciasca quillcac Safantaca: —Ñucami Dios mandashpa quillcashca librota Mandac Diospac huasipi tarini— nirca. Hilciasca Safanmanmi chai librotaca curca.

ESDRAS 7:11

Esdrasca Mandac Dios mandashcata, israelcunaman mandashcacunata, pactachichun cushca shimicunata alli yachac quillcacmi carca. Jatun mandac Artajerjes Esdras curaman quillcashpaca:

SAN MATEO 23:34

Chaimantami Dios ima nishcata huillaccunatapish, alli yachaccunatapish, yachachiccunatapish cachagrini. Paicunamanta maijantaca chacatashpa huañuchinguichicmi. Maijancunataca tandanacuna huasicunapimi macanguichic, shinallatac pueblo pueblotami llaquichishpa puringuichic.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

SAN MATEO 23:2

«Mandashcacunata yachachiccunapish, fariseocunapish Moisés mandashcata yachachiccuna tiyarinapimi tiyarin.

SAN MATEO 13:52

Chashna nicpimi Jesusca: —Shinashpaca, jahua pacha Dios mandacucmanta yachachicpica, shuc taita paipac huasimanta huacaichishpa charishcacunata mushuctapish, maucatapish canzhaman llucchic shinami— nirca.

MALAQUÍAS 4:4

Ñucata servic Moisés mandashcacunatapish, ñuca yachachishcacunatapish allita yuyaringuichic. Chai mandashcacunataca tucui israelcunaman huillachunmi Horeb urcupi curcani.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

NEHEMÍAS 12:37

Yacu junduman llucchina punguta derechashpami Davidpac puebloman huichai rina gradata rircacuna. Davidpac huasimantaca inti llucshina yacuman rina pungucamanmi huichai rircacuna.

NEHEMÍAS 8:16

Chaimantami gentecuna urcucunaman llucshishpa ramacunata apashpa, quiquin chucllacunata ruhuarcacuna. Maijancunaca paicunapac huasi jahuacunapi, pungu pambacunapi, Diospac huasi pungu pambacunapi, yacuman llucshina pungu lado plazapi, Efraín pungu lado plazapi, chucllata ruhuarcacuna.

JUECES 20:8

Shina nicpimi, tucui israelcuna shuc yuyailla tucushpa jatarishpaca: —¡Ñucanchicpuramantaca shucllapish quiquin carpa huasicunaman, quiquin huasiman mana cutingachu!

JUECES 20:1

Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.

2 CRÓNICAS 34:30

Chai quipami jatun mandacca tucui Judá llactapi, Jerusalenpi causaccunahuan, curacunahuan, levitacunahuan, shinallatac uchillacunahuanpish yuyaccunahuanpish, tucui gentecunahuan Mandac Diospac huasiman rirca. Chaipimi Dios-huan ari ninacushpa quillcashca libropi tucuipac ñaupapi rezarca. Chai librotaca Mandac Diospac huasipimi tarishca carca.

ESDRAS 7:10

Esdrasca Mandac Dios mandashcata allita yachacushpa, cazushpa imata ruhuachun mandashcata pactachichun cushca shimicunata, Israel llactapi yachachinatami tucui shunguhuan munarca.

NEHEMÍAS 8:3

Chashna apamushpami, yacuman llucshina pungu chimba lado plazapi tandanacushcapac ñaupapi shayarishpa tutamantamanta chaupi punzhacaman, caricunapac, huarmicunapac, tucui entendipaclla gentecunapac ñaupapi rezarca. Chai rezashcataca tucui gentecunami casilla shayarishpa alli uyarca.

LEVÍTICO 9:5

Moisés mandashca shinami, Mandac Dios-huan tupana huasi ñaupaman apamurca. Tucui israelcuna Mandac Diospac ñaupapi tandanacushpa shayacucpimi,

DEUTERONOMIO 31:11

cai mandashcacunata Mandac Diospac acllashca pushtuman israelcuna tandanacumucpi rezanguichic.

2 REYES 23:2

Chai quipami jatun mandacca Judá llactapi tucui causaccunahuanpish, Jerusalenpi tucui causaccunahuanpish, curacunahuanpish, Dios ima nishcata huillaccunahuanpish, tucui gentecunahuan Mandac Diospac huasiman uchillamanta callarishpaca yuyaccunacaman rirca. Chaipimi libropi ima nicushcata rezashpa uyachirca. Dios ari nishpa quillcashca libropi tucui ima nicushcatami uyarcacuna. Chai librotaca Mandac Diospac huasipimi tarishca carca.

ESDRAS 7:1

Jatun mandac Artajerjes, Persia llactata mandacui punzhacunami Seraiaspac churi Esdras curaca Babilonia llactamanta chayamurca. Seraiasca Azariaspac churi, Azariasca Hilciaspac churi

NEHEMÍAS 12:26

Paicunaca Jesuapac churi Joiacim, mandac Nehemías, quillcac Esdras causacui punzhacunapimi cuidaccuna carca. Joiacimca Josadacpac nietomi carca.