NEHEMÍAS 6:17 - Dios Rimashcata Quillcashcami

¹⁷ Chai punzhacunapica Judá llacta mandaccunaca achca quillcacunatami Tobiasman cacharca. Shinallatac Tobiaspish paicunaman cacharcami.

NEHEMÍAS 6:17 Referans Kwoze

NEHEMÍAS 13:28

Joiadapac churicunamanta shuc churimi horonitapuramanta Sanbalatpac ushihuan cazarashca carca. Joiadaca curacunata mandac Eliasibpac churimi carca. Shina cazarashcamantami Sanbalatpac yernotaca ñuca ñaupamanta llucchishpa cacharcani.

NEHEMÍAS 5:7

Shina cacpipish, quipata yuyarishpami alli nishcacunatapish, mandaccunatapish rimashpaca: —Cancunaca quiquin huauquicunamanta interesta cobrashpaca, mana allitachu ruhuanguichic— nircani. Chai quipami paicunata rimangapac,

NEHEMÍAS 3:5

Paicunapac ladopica Tecoa pueblopi causaccunami allichirca. Ashtahuanpish paicunata mandaccunaca paicunapac jatun Diospacta ruhuanataca mana ayudarcachu.

NEHEMÍAS 6:16

Chaita yachashpami ñucanchicta piñaccunapish, muyundi llactacunapi causaccunapish yangalla cashcata yuyashpa llaquirirca. Shinallatac ñucanchic Dios ayudacpi, tucuchishcatami yacharcacuna.

NEHEMÍAS 6:18

Tobiasca Arapac churi, Secaniaspac ushihuanmi cazarashca carca. Paipac churi Johananpish, Bereqiaspac churi Mesulampac ushihuanmi cazarashca carca. Chaimantami Judá llactapi causac achca gentecunaca Tobiaspac parte carca.

NEHEMÍAS 13:4

Manarac chashna ruhuacpica, Diospac huasita cuidac Eliasib curaca Tobiaspac familiami tucushca carca.