NEHEMÍAS 6:13 - Dios Rimashcata Quillcashcami

¹³ Ñucata manchachishpa juchata ruhuachingapacmi pacalla cullquita japishca carca. Ñuca mana allita ruhuacpi, juchanchishpa rimachun, shinallatac mana alli nichunmi chashna ruhuashca carca.

NEHEMÍAS 6:13 Referans Kwoze

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

SANTIAGO 4:17

Maijanpish allita ruhuana cashcata yachashca jahua mana ruhuacca, juchayucmi tucun.

2 TIMOTEO 1:7

Diosca manchana yuyaita cuc espiritutaca mana cushcachu, ashtahuanpish poderta cuc, cuyaita cuc, shinallatac quiquinllatac jarcarina yuyaita cuc Espiritutami cushca.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

PROVERBIOS 29:5

Paihuan apanacuc runata alli nic runaca chai runa purina ñanpi tucllata churac shinami.

NEHEMÍAS 6:6

Chai quillcapica: «Gentecunapurapica, canpish, Judá llactapi causaccunapish jatun mandacta mana cazushpami chai jatun pircata allichicun, nictami uyanchic. Gesempish chashnallatacmi nicun. Chaicunata uyashpaca can jatun mandac tucusha nicushcatami yachanchic.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

TITO 2:8

ama pi juchanchichunca rimana cashcallata rimangui. Shina ruhuacpimi maijanpish ñucanchicta piñaccunaca pingashpa, imata mana ni pudingacuna.

1 TIMOTEO 5:14

Chaimantami huambrarac viudacunataca cazarashpa, huahuacunata charishpa, quiquin huasipi sumacta pushashpa causachun nini. Chashna cacpimi, criccunata piñaccunaca mana juchanchingacuna.

2 CORINTIOS 11:12

Chai llullashpa puriccuna huillashpa ama cushicuchunmi, ima shina ruhuacuc shinallatac imata mana chasquishpa ruhuashpa catisha.

HECHOS 6:13

Chaipimi llullac huillaccunaca: —Cai runaca Diospac huasitapish, Moisés mandashcacunatapish rimactami uyarcanchic.

SAN MATEO 26:59

Curacunata mandac curacunapish, tandanacushca mandaccunapish, Jesusta huañuchingapacmi llullashpa huillaccunata mashcarca.

SAN MATEO 22:15

Chai quipami fariseocunaca, Jesusta ima shina pandachishpa juchanchinata yuyarinacurca.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

EZEQUIEL 2:6

Huañunalla runa, paicunaca mana cazuccunami. Shina cacpipish, ama manchanguichu. Paicuna rimashcatapish ama manchanguichu. Zarza casha chaupipi cashpapish, alacrancunapac chaupipi causacushpapish ama manchanguichu.

JEREMÍAS 1:17

Canca alli chumbillirishpa, sinchita shayarishpa, ñuca imata mandashcata paicunaman huillangui. Paicunapac ñaupapi shayarinataca ama manchanguichu. Pacta canllatac paicuna manchachichun saquinguiman.

ISAÍAS 57:11

¿Pita manchashcamanta ñucata crinata saquircangui? ¿Pi manchachicpitac ñucata crinata saquishpa, mana yuyarircangui? ¿Ñuca imata mana nishpa, upalla saquishcamantachu ñucataca jaicapi mana mancharcangui?

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

ECLESIASTÉS 7:1

Mishquilla ashnacuc jambita yallica, tucuipac alli nishca canami alli. Huañuna punzhami, huacharina punzhata yalli ashtahuan alli.

PROVERBIOS 22:1

Alli nishca canami jatun charic canatapish, ashtahuan yalli alli. Tucuipac cuyashca canami cullquitapish, curitapish ashtahuan yalli alli.

NEHEMÍAS 6:12

Shinallatac paica mana Dios cachashca, ashtahuanpish Sanbalatpish, Tobiaspish cullquita cushpa Dios huillashcata huillac shina tucushpa, ñucata llaquichichun cachashcatami yacharcani.