NEHEMÍAS 6:12 - Dios Rimashcata Quillcashcami

¹² Shinallatac paica mana Dios cachashca, ashtahuanpish Sanbalatpish, Tobiaspish cullquita cushpa Dios huillashcata huillac shina tucushpa, ñucata llaquichichun cachashcatami yacharcani.

NEHEMÍAS 6:12 Referans Kwoze

EZEQUIEL 13:22

Ñuca manapish llaquichishca, cashcata ruhuac runatami llullashpa llaquichircanguichic. Ñucata mana manchac runacuna millaita ruhuanata ama saquichunmi yuyaita cushpa, sinchiyachircanguichic.

APOCALIPSIS 18:13

Shinallatac canela, mishquilla ashnacuccuna, incienso, mirra, mishquiman ashnacuc jambicuna, vino, aceite, cutashca harina, trigo, aparic animalcuna, ovejacuna, caballocuna, carretacuna, amopacta ruhuac gentecunami carca.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

1 PEDRO 5:2

Dios cancunaman mingashca criccunataca ovejacunata michic shina, quiquin munaihuan alli ricuraichic. Pi ruhuai nishcallamanta, cullquita japingaraicullapish ama ruhuaichicchu, ashtahuanpish Dios munashca shina, mana quillanayachishpa chaparaichic.

TITO 1:7

Maijanpish tandanacushca criccunata pushac cashpaca, Dios mingashcata ruhuac cashcamanta pi mana juchanchishca, mana utca piñaric, mana machac, pihuanpish mana piñanacuc, mana jatun tucushca, cullquita charingaraicu ima mana allita mana ruhuacmi cana can.

1 TIMOTEO 3:3

mana machac, piñanacunatapish mana munac, cullquita charingaraicu ima mana allitac mana ruhuac, chaipac randica pitapish llaquic, ima piñanacui tiyacpipish allichic,

1 CORINTIOS 12:10

Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan.

1 CORINTIOS 2:15

Ashtahuanpish Diospac Espiritumanta yachanata munacca alli cashcatapish, mana alli cashcatapish yachanmi. Paitaca pi mana juchanchi pudinchu.

HECHOS 20:33

Ñucaca pipac cullquitapish, curitapish, churanatapish mana munarcanichu.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

EZEQUIEL 13:19

Cancunaca puñado cebadamanta, pedazo tandamantami ñuca acllashcacuna chaupipi manapish huañuna cashcacunata huañuchishpa, huañuna cashcacunataca mana huañuchishpa mapayashcanguichic. Chashnami, ñucataca yangapi churashpa, llullashcata uyac, ñuca acllashcacunataca crichircanguichic” ninmi.

EZEQUIEL 13:7

Huillaccuna, cancuna muscuipi shina ricushcaca, ¿manachu yangalla? ¿Manachu huillashcapish llullalla? Cancunaca manapish ñuca rimashcata huillashpami ‘Mandac Diosmi cashna nin’ nishpa huillanguichic” ninmi.

JEREMÍAS 28:15

Chaimanta Jeremiasca Hananiastaca: «¡Hananías allita uyai! Mandac Diosca mana canta huillachun cachashcachu. Ashtahuanpish canca llullashpallami cai gentecunataca crichishcangui.

JEREMÍAS 23:25

Ñucaca chai huillaccunataca: “Muscurcanimi, muscurcanimi” nishpa llullashpa ñuca shutipi huillacuctami uyarcani.

JEREMÍAS 23:16

Tucuita Mandac Diosca: «Chai huillaccuna huillashcataca ama uyanguichicchu. Paicunaca yangallata huillashpami crichincuna. Paicunaca Mandac Dios ñuca muscuipi shina ricuchishcataca mana huillancunachu. Ashtahuanpish paicunapac yuyashcallatami huillan.

JEREMÍAS 14:14

Shina nicpimi, Mandac Diosca: «Paicunaca llullashpami ñuca shutipi huillancuna. Mana paicunataca cacharcanichu, mana mandarcanichu, shinallatac imatapish mana nircanichu. Muscuipi shina ricushcata huillashcaca llullallami, yangallami, paicunapac shungupi yuyarishcallatami huillan.

ISAÍAS 56:11

Paicunaca micushpapish mana sacsac allcucuna shinami can. Michiccuna cashpapish imata mana entendinchu. Quiquin munashcata ruhuashpa, quiquinpacllata mashcashpa, munashcallata ruhuancuna.

1 JUAN 4:1

Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

NEHEMÍAS 6:11

Shina nicpimi ñucaca: —¿Ñuca shina runacunaca miticungapac rinchu? ¿Ama huañuchichun nishpa, Diospac huasipi huichcaringapac rinchu? ¡Ñucaca mana miticungapac rishachu!— nircani.

NEHEMÍAS 6:13

Ñucata manchachishpa juchata ruhuachingapacmi pacalla cullquita japishca carca. Ñuca mana allita ruhuacpi, juchanchishpa rimachun, shinallatac mana alli nichunmi chashna ruhuashca carca.