NEHEMÍAS 5:7 - Dios Rimashcata Quillcashcami

⁷ Shina cacpipish, quipata yuyarishpami alli nishcacunatapish, mandaccunatapish rimashpaca: —Cancunaca quiquin huauquicunamanta interesta cobrashpaca, mana allitachu ruhuanguichic— nircani. Chai quipami paicunata rimangapac,

NEHEMÍAS 5:7 Referans Kwoze

LEVÍTICO 25:36

Imata mañachishpaca, interestapish, interesmanta yallitapish ama cobranguichu. Chaipac randica, cancunapac Dios ñucata manchangui. Shinallatac chai runatapish canhuan causachun saquingui.

ÉXODO 22:25

Maijan ñuca acllashcapura runaman, cancunahuan causac huaccha runaman cullquita mañachishpaca, ama cullquita mañachiccuna shina interesta cobranguichu.

EZEQUIEL 22:12

Maijanca huañuchingapacmi cullquita japin. Cullquita mañachishpapish yalli interestami japin. Shuccunata llaquichinguimi. Ñucataca cungarircami. Chaitaca Mandac Dios ñucami nini.

SALMOS 15:5

cullquita mañachishpapish, interesta mana japic, mana faltayuc runata llaquichingapac imatapish mana japiccunallami chaipica causanga. ¡Chashna alli causaccunaca manatac urmangacunachu!

LEVÍTICO 19:15

Cashcata ruhuashpa allichingui. Huaccha cashcallamantapish ama paiman tucunguichu. Chayuc cashcamantapish ama paiman tucunguichu, ashtahuanpish cashcata ruhuashpa allichingui.

TITO 2:15

Cai ñuca nishcacunataca poderhuan yachachingui, cunangui, shinallatac mana allita ruhuaccunataca sinchita rimangui. Ama pi canta mana alli nishpa rimachun saquinguichu.

1 TIMOTEO 5:20

Juchata ruhuashpa caticcunataca, tucuipac ñaupapi rimangui. Chashna ruhuacpimi, shuccunapish manchangacuna.

GÁLATAS 2:11

Antioquía puebloman Pedro chayacpica, pai mana allita ruhuacushcamantami ñahui ñahui sinchita rimarcani.

2 CORINTIOS 5:16

Ñucanchicca pitapish caimanta ñaupamanca gentecuna yuyashca shinaca, ña mana yuyanchic. Ñaupaman gentecuna Cristomanta yuyashca shina yuyac cashpapish, cunanca ña mana chashna yuyanchicchu.

SAN MATEO 18:17

Paicunata mana uyacpica, tandanacushca criccunaman huillangui. Paicunatapish mana uyacpica, Diosta mana cricta shina, impuestota japicta shina charinguichic.

EZEQUIEL 45:9

Mandac Diosca: ¡Israel llactata mandaccunalla! ¡Llaquichinatapish, shuhuanatapish ña saquichic! ¡Ashtahuanpish imapish allita, cashcata ruhuaichic!

PROVERBIOS 27:5

Pacalla cuyanapac randica, ñahui ñahui rimana alli.

SALMOS 27:8

Ñuca shunguca: «Paipac ñahuita mashcai» ninmi. ¡Chaimantami Mandac Dioslla, canta mashcani!

SALMOS 15:1

Mandac Dioslla, ¿canhuan tupana huasipica maijancunallatac causagringa? ¿Maijancunallatac cambaclla chicanyachishca urcupica causagringa?

SALMOS 4:4

Paipac ñaupapi chucchuichicyari, ama ashtahuan juchallichicchu. Camapi siririshpa shungupi upalla tucushpa yuyarichicyari.

SALMOS 109:11

Paicuna tucui charishcataca cullquita mañachic tucui japichun. Paicuna trabajashpa imata charishcataca shuctac llactamanta shamuccuna japichun.

ÉXODO 22:24

Ñucaca nina japiric shina piñarishpami, espadahuan huañuchisha. Cancunapac huarmicunaca viuda, cutin huahuacunaca taita mama illacmi saquiringa.

SALMOS 94:16

Millaita ruhuaccunahuan shayaringapacca ¿pitac ñucataca ayudangayari? Mana allita ruhuaccunahuan shayaringapacca ¿pitac ñuca parte tucungayari?

PROVERBIOS 28:4

Mandashcamanta caruyac runacunaca Diosta mana manchaccunatami alli nin. Ashtahuanpish mandashcata pactachiccunaca paicunata mana ricunayachishpami piñancuna.