NEHEMÍAS 5:17 - Dios Rimashcata Quillcashcami

¹⁷ Chaipac jahuaca Judá llactapi causaccunapish, ñucata serviccunapish patsac pichca chunga runacunami ñucahuan micuc carca. Shinallatac ñucanchic muyundi llactacunamantapish ñucahuanmi micuc carca.

NEHEMÍAS 5:17 Referans Kwoze

1 REYES 18:19

Cunanca, tucui israelcunata Carmelo urcupi tandachichun maijancunata cachai. Shinallatac Baal diosmanta huillac chuscu patsac pichca chunga runacunatapish, Asera huarmi diosmanta huillac chuscu patsac runacunatapish tandachi. Paicunamanca Jezabelmi micunata carashpa charicun— nirca.

2 SAMUEL 9:7

Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

ROMANOS 12:13

Criccunapurapi ima illashcata, cushpa ayudaichic. Shuctac llactamanta shamuccunata pozachichic.

ISAÍAS 32:8

Ashtahuanpish alli shungu runaca allita ruhuanatami yuyarin. Shina alli ruhuashcamantami allita ruhuashpa causan.

2 SAMUEL 9:13

Mefi-bosetca jatun mandac-huan micushpa causac cashcamantami Jerusalenpi causarca. Paica ishcai chaquita lisiadomi carca.

NEHEMÍAS 5:16

Shinallatac ñucapish, Jerusalén muyundi jatun pircata allichircanimi. Ima allpata mana randircanichu. Ñucata tucui serviccunapish ñucahuanmi chai pircata ruhuarca.

1 REYES 5:3

«Ñuca taita Davidca cai muyundi llactacunapi causaccuna llaquichicpi, macanacushpami paita Mandac Diospac shutipi mañana huasita shayachinataca mana yuyarirca. Paita piñaccunata Mandac Diosllatac ñuca taitapac chaqui ucupi churangacamanmi mana shayachinata yuyarirca. Chaitaca canpish yachanguimi.