NEHEMÍAS 4:9 - Dios Rimashcata Quillcashcami

⁹ Paicuna ama yaicuchunca, Diosta mañashpami, tutapish, punzhapish cuidachun cuidaccunata churarcanchic.

NEHEMÍAS 4:9 Referans Kwoze

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

SAN MATEO 26:41

Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

NEHEMÍAS 4:11

Cutin ñucanchicta piñaccunaca: «Paicuna ama pircata ruhuashpa catichunca, pacalla paicunapac chaupiman yaicushpa, huañuchishun» nircacuna.

NEHEMÍAS 4:10

Shina cacpipish, Judá llactapi causaccunaca: «Cai pircata ruhuanaca yalli achcami. Pircata ruhuaccunapish yalli shaicushcami. Chaimantami pircata ruhuanataca mana pudishun» nircacuna.

JOB 5:12

Millaita ruhuangapac yuyaita chariccunataca paicunapac maquihuan ama imata ruhuachunmi pandachin.

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

PROVERBIOS 22:12

Alli yachaitaca Mandac Diosmi cuidan. Ashtahuanpish yachashca jahua llullashpa rimashcacunataca pandachishpami tucuchin.