NEHEMÍAS 2:8 - Dios Rimashcata Quillcashcami

⁸ Shinallatac Diospac huasi ladopi tiyac huasi pungucunata pueblo pircacunata, ñuca causana huasitapish ruhuangapac caspicunata cuchun, can jatun mandacpac sachacunata cuidac Asafman shuc quillcata cachai— nircani. Mandac Dios ñucahuan cacpimi, jatun mandacca ari nircalla.

NEHEMÍAS 2:8 Referans Kwoze

ESDRAS 7:6

Esdrasca israelcunata Mandac Dios Moisesman cushca mandashcata allita yachacmi carca. Jatun mandac Artajerjesca Esdras Mandac Diospac poderhuan cacpimi, pai ima mañashcata cuc carca.

ISAÍAS 66:14

Cancunaca chaita ricushpami, tucui shunguhuan cushicunguichic. Cancunapac tullucunapish quihua sisac shinami mushucyanga. Mandac Diosca paipac poderta paita serviccunaman ricsichingami. Ashtahuanpish paita piñaccunataca piñangami.

NEHEMÍAS 7:2

Chai quipaca ñuca huauqui Hananita, shinallatac uchilla pueblota mandac Ananiastaca Jerusalenpi tiyac torrepi cuidaccunata mandachunmi churarcani. Paicunaca cashcata ruhuac, Diosta manchaccunami carca.

DANIEL 1:9

Dios yuyaita cucpimi, chai mandacca Danielta sumacta chasquirca.

ESDRAS 5:5

Ashtahuanpish Diosllatac Judá llacta pushaccunata cuidacucpimi, Persia llactata jatun mandac Darioman huillacpi, pai imatapish quillcangacaman mana jarcai pudircacuna.

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

2 CORINTIOS 8:16

Cancunata ñuca llaquic cashca shinallatac, Titoman cancunata llaquina yuyaita Dios cushcamantami, paitaca pagui nicuni.

HECHOS 26:22

Chaipi Dios ñucata cuidashcamantami uchillacunamanpish, jatuncunamanpish huillacuni. Dios ima nishcata huillaccuna huillashcallata, Moisés quipaman ima tucunata huillashcallatami huillacuni.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

ESDRAS 7:9

Paicunaca callari quilla, callari punzhapimi Babiloniamanta llucshircacuna. Chai huata, pichca quilla callari punzhapimi Esdrasca Jerusalenman chayamurca. Diospac maquica paihuanmi carca.

ESDRAS 6:22

Levadura illac tandata micuna jatun fiestataca canchis punzhatami yallita cushicushpa ruhuarcacuna. Mandac Dios paicunata cushichishcamanta, Asiria llactata jatun mandacta, Diosllatac yuyaita cushpa israelcunapac Diospac huasita ruhuanata mana jarcashcamantami chashna cushicurca.

ECLESIASTÉS 2:5

Huertacunatapish, jardincunatapish ruhuarcani. Granota pucuc yuracunatapish tarpurcani.

ECLESIASTÉS 2:6

Huiñac yuracunata parcungapacpish yacu huacaichina tanquecunatami ruhuarcani.

ESDRAS 6:8

Diospac huasita cutin shayachichun Judá llactata mandaccunata ayudachunmi cancunataca mandani. Chai huasi ruhuana ama jarcarichunca, jatun yacu chimba ladopi causaccuna cushca impuestota, jatun mandacpac ima valishcacunata randichun cunguichic. Pacta cungaringuichicman.