NEHEMÍAS 2:17 - Dios Rimashcata Quillcashcami

¹⁷ Chai quipami ñucaca: —Jerusalén shitashca pamba shina tucushcamanta, pungucunata rupachishcamanta ñucanchic yalli llaquilla cashcataca cancunallatac yachanguichicmi. ¡Chaimanta pipish ñucanchicta ama burlachunca, Jerusalén pircacunata allichingapac shamuichic!— nircani.

NEHEMÍAS 2:17 Referans Kwoze

EZEQUIEL 5:14

Jerusalén, cantaca shitashca pambata ruhuashpami saquisha. Muyundi llactacunapi causaccunapish, chaita puriccunapish burlashpami asinga.

NEHEMÍAS 1:3

Paicunaca: «Prezu apacucpi miticushpa, chai llactallapitac saquirishca runacunaca llaquitami pingaihuan cancuna. Jerusalén muyundi pircaca urmachishcami, pueblo pungucunapish rupashcami» nircacuna.

SALMOS 79:4

Ñucanchic vecinocunapac camishcami canchic. Ñucanchic muyundi llactapi causaccunapac burlashpa asishcami canchic.

LAMENTACIONES 3:51

Cai llactapi causaccunapac ushicuna llaquita apacushcata ricushpami shungu nanacta huacacunilla.

LAMENTACIONES 2:2

Mandac Diosca mana llaquishpami Jacobopac carpa huasicunata urmachirca. Yallita piñarishpami Judá llacta sinchi torrecunatapish urmachirca. Jatun mandactapish, shuctac mandaccunatapish, yangallata ruhuashpami pingaichirca.

JEREMÍAS 24:9

Paicunataca tucui llactacunapi causaccuna asichun, mancharishpa parlanacuchun, yuyarina parlocunata paicunamanta llucchishpa, burlachunmi saquisha. Chashnami mai llactaman ñuca cachacpipish, llaqui tucunga.

SALMOS 79:12

Mandac Dioslla, ñucanchic vecinocuna canta mana alli nishpa rimashcamantaca canchis cutincaman paicunatapish llaquichiyari.

SALMOS 44:13

Ñucanchic ladollapi causaccuna camishpa rimachun, ñucanchic muyundipi causaccuna burlachunmi churangui.

1 SAMUEL 11:2

Shina nicpimi, amonitacunapuramanta Nahasca: —Ari, cancuna mañashcata ruhuashami. Shina cacpipish, tucui cancuna alli lado ñahuita surcushpa, israelcunata pingaichicpimi, chai ari nishcataca pactachisha— nirca.

NEHEMÍAS 2:13

Chai tutaca pugru pambaman llucshina punguta llucshishpami, Dragón jundu ladoman chayashpa, mapata shitana pungu ladocaman purishpa Jerusalén pircacunata urmachishcatapish, pungucunata rupachishcatapish ricurcani.

NEHEMÍAS 2:16

Shina cacpipish, quipa mandaccunaca ñuca maiman rishcatapish, imata ruhuashcatapish mana yacharcachu. Ñucaca Judá llacta runacunamanpish, curacunamanpish, alli nishcacunamanpish, quipa mandaccunamanpish, chaipi ima ruhuaccunamanpish manarac huillarcanichu.

NEHEMÍAS 3:15

Colhozepac churi Salumca Mizpa llactatami mandacurca. Paimi callpacuc yacuman llucshina punguta allichirca. Paica caspicunata churashpa, jarcana caspicunata, aldabacunata churashpami saquirca. Pircataca jatun mandacpac huerta ladopi tiyac Siloé yacu jundu ladomanta, Davidpac puebloman rina gradacamanmi allichirca.

ESDRAS 9:9

Ñucanchic chashna servishpa causacucpipish, ñucanchic Dioslla, mana saquishpami, Persia llactata jatun mandacpac ñaupapipish ñucanchicta llaquishcata ricuchircangui. Cambac huasi tigrashcata, urmashcata cutin shayachichunmi causaita curcangui. Judá llactapipish Jerusalenpipish cuidashcanguimi.

SALMOS 44:14

Shuctac llactacunapi causaccuna burlachunmi, chai llacta chaupipi saquingui. Ñucanchicta ricuccunaca umata cuyuchishpami asincuna.

SALMOS 102:15

Mandac Diospac shutitaca tucui llactapi causaccunami manchanga. Can sumaimana cashcataca tucui cai pachapi causac jatun mandaccunami manchanga.

MIQUEAS 7:11

Jerusalén muyundi pircacunata allichina punzhami chayamun. Chai punzhapimi, linderocunatapish ashtahuan carupi churanga.