NEHEMÍAS 13:28 - Dios Rimashcata Quillcashcami

²⁸ Joiadapac churicunamanta shuc churimi horonitapuramanta Sanbalatpac ushihuan cazarashca carca. Joiadaca curacunata mandac Eliasibpac churimi carca. Shina cazarashcamantami Sanbalatpac yernotaca ñuca ñaupamanta llucchishpa cacharcani.

NEHEMÍAS 13:28 Referans Kwoze

NEHEMÍAS 2:19

Ashtahuanpish Horón pueblomanta Sanbalatpish, jatun mandacta servic amonitapuramanta Tobiaspish, arabepuramanta Gesempish chaita uyashpami ñucanchicta asishpa burlashpaca: —¿Cancunaca imatatac ruhuacunguichic? ¿Jatun mandacpac contrachu tucugringuichic?— nircacuna.

NEHEMÍAS 12:22

Eliasib, Joiada, Johanán, Jadúa runacuna causacui punzhacunamanta Persia llactata jatun mandac Darío mandai punzhacunacamanmi levitacunapac, curacunapac huasi ucupurata mandaccunapac shuticunataca quillcashca carca.

NEHEMÍAS 12:10

Jesuaca Joiacim churitami charirca. Joiacimca Eliasib churitami charirca. Eliasibca Joiada churitami charirca.

NEHEMÍAS 3:1

Shina cacpimi curacunata mandac Eliasib curapish, paipac huauqui curacunapish ovejacuna yaicuna punguta allichirca. Pircataca Hamea torremanta callarishpa, Hananeel torrecamanmi allichirca.

NEHEMÍAS 2:10

Israelcunata ñuca ayudangapac shamushcata yachashpami, horonitapuramanta Sanbalatpish, amonitapuramanta Tobiaspish yallita piñarirca.

PROVERBIOS 20:26

Yuyaisapa jatun mandacca Diosta mana manchaccunataca huairachic shinami shic-huan. Paicunataca ruedacunahuanmi sarun.

PROVERBIOS 20:8

Jatun mandac taripangapac tiyarishpaca, millaita ruhuashcataca paipac ñahuihuan ricushpallami llucchishpa cachan.

SALMOS 101:8

Diosta mana manchac cai pachapi causaccunataca tutamantami tucuchisha. Mana allita ruhuaccunataca tucuitami Mandac Diospac pueblomantaca chingachisha.

NEHEMÍAS 13:25

Chaimantami paicunata sinchita rimashpa, paicunata maldiciarcani. Maijancunataca huactarcani, acchatapish pitircani. Chai quipami paicunataca: «¡Cancunapac ushicunataca paicunapac churicunahuanca ama cazarachinguichicchu! ¡Cancunapac churicunapac huarmi cachunpish paicunapac ushicunataca ama apamunguichicchu!

NEHEMÍAS 4:1

Jerusalén muyundi jatun pircata ñucanchic allichicucta Sanbalat yachashpami, yallita piñarishpa, Judá llactapi causaccunataca burlashpa asirca.

ESDRAS 10:8

Mandaccuna, pushaccuna nishca shina quimsa punzhacaman mana tandanacucpica, paipac tucui allpacunata quichuchun, shinallatac prezumanta cutimushcapura tandanacuimanta llucchishpa cachachun nishpami huillachirca.