NEHEMÍAS 13:25 - Dios Rimashcata Quillcashcami

²⁵ Chaimantami paicunata sinchita rimashpa, paicunata maldiciarcani. Maijancunataca huactarcani, acchatapish pitircani. Chai quipami paicunataca: «¡Cancunapac ushicunataca paicunapac churicunahuanca ama cazarachinguichicchu! ¡Cancunapac churicunapac huarmi cachunpish paicunapac ushicunataca ama apamunguichicchu!

NEHEMÍAS 13:25 Referans Kwoze

NEHEMÍAS 13:17

Chaita ricushpami, Judá llacta mandaccunataca: «¿Ima nishpatac samana punzhata yangata ruhuashpa, millaita ruhuacunguichic?

ESDRAS 10:5

Shina nicpimi, Esdrasca jatarishpa curacunatapish, levitacunatapish, mandaccunatapish, tucui israelcunatapish, yuyarishca shina paicuna pactachichun ari nichirca.

DEUTERONOMIO 7:3

Paicunahuan churita, ushita cazarachishpa, ama familia tucunguichicchu.

NEHEMÍAS 13:11

Chaita yachashpami mandaccunataca: «¿Ima nishpatac Diospac huasica shitashca saquirirca?» nishpa sinchita rimarcani. Chai quipami curacunatapish, levitacunatapish tandachishpa, paicuna utcapi imata ruhuacushcallapitac churarcani.

ISAÍAS 50:6

Ñucata macaccunamanmi ñuca huashata ricuchircani. Ñuca barbasmanta chutaccunamanmi ñuca ñahuita ricuchircani. Ñucata tucashpa burlacmantapish ñahuita mana pacarcanichu.

PROVERBIOS 28:4

Mandashcamanta caruyac runacunaca Diosta mana manchaccunatami alli nin. Ashtahuanpish mandashcata pactachiccunaca paicunata mana ricunayachishpami piñancuna.

SALMOS 15:4

Shinallatac mana allita ruhuaccunata piñaccuna, Mandac Diosta cazuccunata alli niccuna, quipata llaquihuan cangapacpish, ari nishcata pactachiccuna,

NEHEMÍAS 5:13

Shinallatac ñuca churanata chaspirishpaca: —Caita mana pactachiccunataca, quiquin huasimanta, allpamantapish Dios cashna chaspic shina cachachun. Cashna chaspishca shina chushaclla saquirichun— nircani. Shina nicpi, tucui tandanacushca gentecunaca: —¡Chashna cachun!— nirca. Chashnami tucui gentecuna Mandac Diosta alli nishpa, paicuna nishca shina ruhuarcacuna.

ESDRAS 7:26

Cambac Dios mandashcata, jatun mandac ñuca mandashcata maijanpish mana cazucpica, huañuchina cacpi, llactamanta llucchishpa cachana cacpi, cullquita cobrana cacpi, mana cashpaca prezuna cacpica, chai shina llaquichishca cachun» nishpami quillcashca carca.

DEUTERONOMIO 6:13

Mandac Diosta manchanguichic, paillata servinguichic, paipac shutillapi imatapish ari ninguichic.

ÉXODO 34:16

Cambac churicunahuan paicunapac ushicunata cazarachishpa, paicunapac dioscunata adorana yuyaita cushpa urmachingacunami. Shina tucushpaca, chai dioscunahuan huainayashca shinami tucunga.

JOSUÉ 23:12

Diosmanta anchurishpa, chai saquirishca cancunapac chaupipi causac gentecunahuan tandanacushpa, chai huarmicunahuan cazarashpa, paicunahuan familia tucucpica,

2 REYES 2:24

Chaimantami Eliseo tigrarishpa paicunata ricushpa Mandac Diospac shutipi maldiciarca. Chashna maldiciacpimi, sachamanta ishcai huarmi oso llucshishpa, chai huambracunamantaca chuscu chunga ishcai huambrata pitinacushpa huañuchirca.

NEHEMÍAS 13:24

Paicunapac huahuacunamanta chaupica Asdod rimaita, mana cashpaca shuctac rimaitami rimac carca. Judá rimaitaca mana yacharcachu.

SALMOS 119:53

Can mandashcacunata saquishpa millaita ruhuacta ricushpami yallita piñarircani.

NEHEMÍAS 5:6

Ñucaca paicuna chashna nicta uyashpaca yallitami piñarircani.