NEHEMÍAS 13:23 - Dios Rimashcata Quillcashcami

²³ Shinallatac chai punzhacunapica Judá llactapi causaccuna Asdod, Amón, Moab pueblomanta, huarmicunahuan cazarashcatami ricurcani.

NEHEMÍAS 13:23 Referans Kwoze

NEHEMÍAS 10:30

Shinallatac ñucanchic ushicunata cai llacta ladopi causaccunapac churicunahuan, ñucanchic churicunatapish paicunapac ushicunahuan mana cazarachingapac.

ESDRAS 10:10

Shina tiyacucpimi, Esdras cura shayarishpaca: —Cancunaca shuc llactamanta huarmicunahuan cazarashpami, israelcunapac ashtahuan juchata ruhuashcanguichic.

2 CORINTIOS 6:14

Mana criccunahuanca yugoshca shinaca, ama tandanacuichicchu. Cashcata ruhuacca mana allita ruhuac-huanca, ¡maitatac apanacungayari! Luzpish amsahuanca, ¡maitatac tandanacungayari!

NEHEMÍAS 13:1

Chai punzhapica Moisés quillcashcatami tucui gentecunapac ñaupapi rezarca. Chai quillcapica moabitacunapish, amonitacunapish Dios acllashcacunahuanca mana tandanacungachu nishpa quillcashcami taririrca.

ESDRAS 10:44

Tucui caicunami shuctac llactamanta huarmicunahuan cazarashca carca. Maijan huarmicunaca ñami huahuacunata charishca carca.

NEHEMÍAS 4:7

Shina caticucta, Jerusalén muyundi pircacunata allichishpa caticucta, pirca jutcucunatapish tapacucta Sanbalatpish, Tobiaspish, arabecunapish, amonitacunapish, Asdod pueblopi causaccunapish yachac chayashpami ñucanchic-huan yallita piñarirca.

1 SAMUEL 5:1

Diospac Arcata filisteocuna quichushpaca Eben-ezer pueblomantaca Asdod pueblomanmi aparca.

ÉXODO 34:11

Cunan, canman ñuca cushca mandashcacunata huacaichingui. Cancunapac chaupimantami amorreocunatapish, cananeocunatapish, heteocunatapish, ferezeocunatapish, heveocunatapish, jebuseocunatapish llucchishpa cachasha.

DEUTERONOMIO 7:1

Cancuna japina llactaman Mandac Dios pushacpica, cancunata yalli sinchi canchis llactacunamanta heteocunata, gergeseocunata, amorreocunata, cananeocunata, ferezeocunata, heveocunata, jebuseocunata llucchishpa cachanguichicmi.

1 REYES 11:1

Jatun mandac Salomonca Faraonpac ushihuan cazarashca jahuami shuctac llactamanta achca huarmicunata charirca. Chai huarmicunaca: Moabitacuna, amonitacuna, sidoniaspuramanta shinallatac heteopuramanta huarmicunapishmi carca.

NEHEMÍAS 13:24

Paicunapac huahuacunamanta chaupica Asdod rimaita, mana cashpaca shuctac rimaitami rimac carca. Judá rimaitaca mana yacharcachu.

NEHEMÍAS 13:27

¿Shuc llactamanta huarmicunahuan cazarashpa, jatun millaita ruhuashpachu mana cazushpa, Diosta piñachina canchic?» nircani.

RUT 1:4

Chai huahuacunaca moabita huarmicunahuanmi cazararca. Chai huarmicunaca shucca Orfa, caishucca Rutmi carca. Paicunaca chunga huata shinatami causarcacuna.

NEHEMÍAS 10:31

Chashnallatac samana punzhapi, Diospaclla chicanyachishca punzhapi shuc llacta gentecuna imacunata, granocunata, mana cashpaca ima shuctac micunacunata catungapac shamucpi, mana randingapac. Shinallatac canchis huata tucucpica, allpacunatapish samachingapac, debicunatapish perdonangapac.