NEHEMÍAS 12:47 - Dios Rimashcata Quillcashcami

⁴⁷ Zorobabel, shinallatac Nehemías causacui punzhacunapica tucui israelcunami punzhanta cantaccunamanpish, pungupi cuidaccunamanpish cararcacuna. Shinallatac levitacunaman cungapacmi imallata chicanyachic carcacuna. Levitacunapish chai cushcacunamantaca Aaronpac huahua huahuacunamanmi cuna cashcata curca.

NEHEMÍAS 12:47 Referans Kwoze

GÁLATAS 6:6

Dios rimashca shimita yachachiccunamanca yachacuccunaca imatapish cunami can.

NEHEMÍAS 12:26

Paicunaca Jesuapac churi Joiacim, mandac Nehemías, quillcac Esdras causacui punzhacunapimi cuidaccuna carca. Joiacimca Josadacpac nietomi carca.

NEHEMÍAS 12:12

Joiacim causacui punzhacunapi curacunapac huasi ucupurataca caicunami mandacurca: Seraiaspac huasi ucupurataca Meraías, Jeremiaspac huasi ucupurataca Ananías,

NEHEMÍAS 12:1

Salatielpac churi Zorobabelhuan, Jesúa curahuan, cutimuc Levitacuna curacunaca: Seraías, Jeremías, Esdras,

NEHEMÍAS 11:23

Jatun mandacca cada punzha cantaccuna ima ruhuana cashcata ruhuachunmi quillcashpa mandashca carca.

2 REYES 7:10

Chaimantami paicunaca Samaria pueblo yaicunapi cuidac soldadocunapacman rishpaca: «Ñucanchicmi siriocunapac carpacuna shayachishca pambaman rircanchic. Chaipica pipish mana ricurircachu. Maijan parlashcallapish mana uyarircachu, ashtahuanpish caballocuna, burrocunallami huatashca shayacurca. Carpacunapish ima shina shayachishca shinallatacmi carca» nircacuna.

2 REYES 25:30

Paica tucui causaipimi punzhanta paipac ima illashcata jatun mandacmanta chasquishpa causarca.

DEUTERONOMIO 18:8

Micunatapish caishuccuna shinallatacmi charinga. Chaicunataca taitamanta imata japishca jahuami charinga.

ESDRAS 2:2

Zorobabelhuan shamuccunaca: Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, shinallatac Baanami shamurca. Chai cutimuc israelcunaca: