NEHEMÍAS 12:44 - Dios Rimashcata Quillcashcami

⁴⁴ Chai punzhapica imapish yalli valishcacunata, Diosman cushcacunata, punta pucushcacunata, chungamanta shucta cushcacunata, huacaichina ucuta cuidachunmi churarca. Paicunataca pueblo muyundi pambacunapi pucushcacunata, shinallatac mandashcapi nishca shina curacunaman, levitacunaman cungapac apamushcacunata tandachichunmi churarca. Judá llactapi causaccunaca curacunapish, levitacunapish Diosta servicucpica yallitami cushicurca.

NEHEMÍAS 12:44 Referans Kwoze

ROMANOS 12:7

Shuccunata servicta ruhuashca cacpica, servishpa catichun. Yachachicta ruhuashca cacpica, yachachishpa catichun.

ISAÍAS 40:31

Ashtahuanpish Mandac Diosta shuyashpa causaccunaca mushuc fuerzatami japinga. Volac animalcuna shinami, mana shaicunga. Yallita purishpapish, yallita callpashpapish mana fuerza illac saquiringachu.

PROVERBIOS 8:34

Ñuca yachachishcata uyangapac, ñuca huasi pungupi punzhanta shuyacuc runaca yallita cushicuchun. Paica ñuca huasi pungu pilar ladopimi shuyacun.

1 CRÓNICAS 23:28

Paicunaca Aaronpac huahua huahuacunata Mandac Diosta servinata ayudangapacmi carca. Paicunaca Diospac huasipi paipaclla chicanyachishcacunapi, ima mapa ama tuparichun cuidaccuna, ima ashtahuan shuc ruhuanacunatapish ruhuaccunami carca.

1 CRÓNICAS 9:26

Pungupi cuidaccunata mandac chuscu levitacunaca Diospac huasi ucutapish, chaipi tiyac valishcacunatapishmi cuidacurca.

NÚMEROS 3:10

Curacuna ruhuana cashcataca Aaronman, paipac churicunaman mingangui. Chaiman pipish yaicushpaca huañungami» nirca.

DEUTERONOMIO 18:8

Micunatapish caishuccuna shinallatacmi charinga. Chaicunataca taitamanta imata japishca jahuami charinga.

1 CRÓNICAS 26:20

Caishuc levitacunamantaca Ahiasmi Diospac huasipi tiyac ima valishcacunatapish, Diospaclla chicanyachishcacunatapish cuidacurca.

NEHEMÍAS 10:36

Shinallatac mandashcapi nishca shina ñucanchic punta churicunatapish, punta huacharishca huagracunatapish ñucanchic Diospac huasiman apamungapacmi ari nircanchic. Punta huacharishca vacacunatapish, ovejacunatapish ñucanchic Diospac huasipi servic curacunamanmi apamushun nircanchic.