NEHEMÍAS 12:30 - Dios Rimashcata Quillcashcami

³⁰ Chaipica curacunapish, levitacunapish paicunarac Diospaclla tucushpami, gentecunatapish, pungucunatapish, jatun pircatapish Diospacllata ruhuarcacuna.

NEHEMÍAS 12:30 Referans Kwoze

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

ESDRAS 6:21

Chai Pascua punzhapica prezu apashcamanta cutimushca israelcunaca Diosta mashcangapac chai llactapi causac mapa gentecunamanta anchurishca gentecunahuanmi tandanacushpa micurca.

2 CRÓNICAS 29:5

Chaipimi paica: «Levitacuna uyaichic: Cancuna Diospaclla tucuichic. Cancunapac ñaupa taitacunata Mandac Diospac huasitapish paipaclla cachun allichichic. Diospac huasi ucumanta mapacunata llucchichic.

ÉXODO 19:10

Chaimantami Mandac Dios Moisestaca: —Israelcunapacman rishpa cunanpish, cayapish ñucapaclla cachun, shinallatac paicunapac churanatapish tacshachun mandai.

HEBREOS 5:3

Chaimantami paipish urmanalla cashcamanta, paicunapac juchacunamanta, shinallatac tucui gentecunapac juchacunamanta animalcunata Diosman cushpa, rupachina can.

HEBREOS 5:1

Tucui jatun mandac curacunami, gentecunapuramanta Diospacta ruhuachun acllashca can. Paicunaca tucui gentecunapac juchacunamanta Diosman ofrendata cungapac, animalcunata huañuchishpa Diosman cungapacmi can.

NEHEMÍAS 13:30

Shuc llactamanta shamushcacunata llucchishpa cachashpami curacunatapish, levitacunatapish paicunata tandachishpa, paicuna imata ruhuacushcallapitac churarcani.

NEHEMÍAS 13:22

Chai quipami samana punzhaca Diospaclla chicanyachishca punzha cachun levitacunataca Diospaclla tucushpa, pungucunapi cuidac shamuchun mandarcani. Ñuca: «¡Dioslla, ñuca chashna ruhuashcacunataca yuyaringuiyari! ¡Canca llaquicmi cangui! ¡Chaimanta ñuca mana allita ruhuashcacunataca cungaringuiyari!» nircani.

2 CRÓNICAS 29:34

Ashtahuanpish curacunaca ashalla cashpami, tucui rupachina animalcunataca mana llushti pudircacuna. Chaimantami animalcunata llushtishpa, tucui tucuchingacaman shinallatac caishuc curacuna Diosta servingapac allichiringacamanca paicunapac huauqui levitacuna ayudarca. Levitacunami curacunata atishpa utca chuyayarca.

ÉXODO 19:15

Moisesca israelcunataca: —Cancunaca quimsa punzhapacca allichirishca caichic. Shinallatac huarmicunapipish mana chayarinachu canguichic— nirca.

GÉNESIS 35:2

Chaimantami Jacoboca paipac familiacunatapish, paihuan caccunatapish rimashpaca: —Cancunapurapi tiyac chican dioscunata anchuchichic. Chaimantaca armarishpa mushuc churanata churarichic.

NEHEMÍAS 12:29

Gilgal pueblomanta, Geba, Azmavet pambacunamantami tandanacumurca. Chai cantaccunaca Jerusalén pueblo muyundipimi asha huasicunata ruhuashca carca.

1 CRÓNICAS 15:14

Israelcunata Mandac Diospac Arcata apamungapacca curacunapish, levitacunapish Diospaclla tucushpami chuyayarca.