NEHEMÍAS 12:29 - Dios Rimashcata Quillcashcami

²⁹ Gilgal pueblomanta, Geba, Azmavet pambacunamantami tandanacumurca. Chai cantaccunaca Jerusalén pueblo muyundipimi asha huasicunata ruhuashca carca.

NEHEMÍAS 12:29 Referans Kwoze

NEHEMÍAS 11:31

Benjaminpac huahua huahuapuraca Geba, Micmas, Aía, Bet-el pueblocuna, chai uchilla muyundi llactacunapimi causacurca.

ESDRAS 2:24

Azmavet pueblomantaca chuscu chunga ishcaimi cutimurca.

1 CRÓNICAS 6:60

Benjamín aillupac llactapica Geba, Alemet, Anatot, pueblocunatami muyundi michina pambacunandi curca. Cohatpac huahua huahuacunaca mashna familiacuna tiyashca shinallatacmi chunga quimsa pueblocunata chaupircacuna.

JOSUÉ 21:17

Benjamín aillupac llactamantaca Gabaón, Geba pueblocunata michina pambacunandi,

JOSUÉ 10:43

Chai quipami Josueca tucui israelcunahuan Gilgal pueblopi tiyac carpa huasicunaman cutirca.

JOSUÉ 5:9

Chaipimi Mandac Diosca Josuetaca: «Cunanmi Egipto llactapi pingaichishcata anchuchini» nirca. Chaimantami chai lomataca Gilgalta shutichirca. Shinami cunancaman chai shuti can.

DEUTERONOMIO 11:30

Chai urcucunaca Jordán yacumanta chimbaman, inti tigrana lado Arabá pambapi causac cananeocunapac llactapimi. Canaán llactaca encina yuracuna tiyac Moré pamba ladollapi cac Gilgal ladopimi.

NEHEMÍAS 12:28

Shinallatac cantaccunapac churicunaca Jerusalén muyundi llactacunamanta, Netofa pueblo muyundi uchilla llactacunamanta,

NEHEMÍAS 12:30

Chaipica curacunapish, levitacunapish paicunarac Diospaclla tucushpami, gentecunatapish, pungucunatapish, jatun pircatapish Diospacllata ruhuarcacuna.

NEHEMÍAS 13:10

Shinallatac levitacunaman micunata mana cucpi, levitacuna, Diospac huasipi servishpa cantaccuna, paicunapac allpacunaman rishcata yachac chayarcani.

NEHEMÍAS 7:28

Bet-azmávet pueblomantaca chuscu chunga ishcaimi carca.

NEHEMÍAS 7:30

Ramá, Geba pueblocunamantaca sucta patsac ishcai chunga shucmi carca.